Read BORANA BIBLE – KITAABA WAAQA Aayubu 20 Bible Online

Aayubu 20 - BORANA BIBLE – KITAABA WAAQA bible

Aayubu 20

¹Jennaani Sofariini, ka gosa Naamathi waan jed'eeni:

²Abbo, atini ya na dallansiifte, tanaafi anini amma hurrise wo siini jechuu fed'a.

³Wonti atini naani jette araba, ammo qalbiini tiyya waan sini jechuu malani ya na garsiifte.

⁴D'uguma atini imbeeta, haguma duri nama lafa irati uumani,

⁵gammadi nama ch'ubbicha gabaaba, gammachuuni nama Waaqa imbeenneleeni haguniti:

⁶Ato inni d'eerate mataani waaqa tuqele,

⁷akuma awaara bada. Nami duri isa beekhu, Inni me? jed'e gaafata.

⁸Inni akuma oobju dabre, akuma daayya halkani bada, deebiani inargani.

⁹Nami duri isaa arge deebie inargu. Fulla duri inni iti galule ind'abani.

¹⁰Ilmaani isaa waan inni hiyyeesa iraa hate deebisuu malte.

¹¹Nafi isaa gaafa inni duri kaima jabeenna qaba, ammo amma d'iotu biyye taha.

¹²Ato hameenni guddo afaani isaati miae,

¹³inni afaani keesaa fud'achu dad'abele,

¹⁴sagaleeni garaa isaa keesati had'oofte, had'a bofaa iti taati.

¹⁵Inni hori kara dabaatiini soorate diddifate, Waaqumati waan suni isa diddisise.

¹⁶Wonti ch'ubbichi liqimse had'a, had'ani suni akuma had'a bofaa isa ijeefti.

¹⁷Inni d'ad'a lafa ira dabre aka galaana yaufi; laga aananifi dammi kee yaule inargu.

¹⁸Inni waan hojate argate insooratu: Yokhaani tirfi daldala ufi ira argate inyaatu;

¹⁹wonti akanatiifi inni hiyyeesa dabse hiyyoomse, ammalle mana nami d'ibiini jaaratele saame.

²⁰Inni sabdi, woma inquufu, ammalle woma oli inkeeyatu.

²¹Inni yo wo nyaatu woma inhambisu, tanaafi horiini isaa hobaa.

²²Ato inni quufu, gaargali isa qabate, badiini isa d'aqabdi.

²³Yo inni haga fed'u nyaate quufele, Waaqi aka male isaati dallane, tontomooni d'ae lafa buusa.

²⁴Hojja inni woraana dura baqachuni fed'u t'iya sibiilaati isa woraana.

²⁵T'iyiti nafa isa keesa lit'e, fiit'eeni isii d'iiga isaa d'udde, inni aka hama mudama.

²⁶Waan inni olkeyate ch'ufa balleesani; ibidi nami harkaani imbobesiini isaafi worra isaale ch'ufa gubba.

²⁷Gubbaani ch'ubbu isaa mulifte laafteeni isa himati.

²⁸Hojja Waaqi iti dallanu, mana isaatiifi waan inni qabu ch'ufa lolaani balleesani.

²⁹Aki Waaqi ch'ubbicha balleesu akasi, sunini baddi Waaqi ch'ubbicha herege.