Read BORANA BIBLE – KITAABA WAAQA Aayubu 22 Bible Online

Aayubu 22 - BORANA BIBLE – KITAABA WAAQA bible

Aayubu 22

¹Jennaani Elifazini, ka gosa Temani, waan jed'eeni:

²Nami tokoleeni ato qaroole taate, ka Waaqaa wo bahu, injiru?

³Atini ato d'ugale gula deemte, d'ugaani sunini Waaqa guddaa wobaati? Yokhaani ato atini nama dansale taate, dansumti sunini isaa qarqaarsa taati?

⁴Waaqi waan atini isa sodaatufi si gorse qorsumma si geesa?

⁵Akasiniti inni waan atini ch'ubbu guddo tolchite, hameenni kanke muumme d'abeefi akana si tolcha.

⁶Siti duri oboleyaani tante iraa woya qabdo fud'atte qulla lakise.

⁷Atini nama dad'abi qabu bisaani d'owatte, ka beela qabule sagale d'owatte.

⁸Ato atini nama dureesa oobru guddo qabu ka gurra qabule taate,

⁹atini haad'a hiyyeesa qarqaaru didde, ammalle ilmaani hiyyeeyile dabsite, waan isii saamte.

¹⁰Tanaafi amma tana t'ururaani moga ch'ufa si marse, maro tokotu mudamsuuni si qabati.

¹¹Lafti siti dukanoofte, woma argu dad'abde, fach'ai bisaani sira deebie si liqimsa.

¹²Waaqi achi olfago injiru? Urjile, ato isiini olfago jiraatte, ufi jalati ilaalu?

¹³Ka atini teete, Waaqi maani beekha? Isa dumansinu ind'ossa, akami dandae nama qora? jettu.

¹⁴Jaldooni dumansa lafa argu isa d'owarti, ka inni jiddu lafafi gubba deemu.

¹⁵Atini kara dullacha worri ch'ubbuu gula yau illakiftu?

¹⁶Ato guyyaani worraa ingeenne bisaani fach'aani worra liqimsani.

¹⁷Worri waan Waaqaani jed'e, Nu biraa deemi, Waaqi guddaani, maani dandae nu tolcha?

¹⁸Ammo nami worra horsiise Waaquma. Anini herega worra ch'ubbuu dandae inhubad'u.

¹⁹Nami dadansaani gammada qaba, nami d'uga hojja nama ch'ubbicha ka d'aanani argu inkobla.

²⁰Waan ch'ubbichi qabu ch'ufa imballeesani, waan hafele ch'ufa ibidati guba.

²¹Amma tana Waaqaani wold'aqa, nagayaani woliini taa; yo atini akasi taate inni si eebisa.

²²Barsiisa inni si barsiisu fud'ad'i, dubbi isaa garaa keesa keeyad'i.

²³Yo atini ufi diqeesite Waaqati deebite, hameenna worra kanke keesa jiru ch'ufa keesaa baafte,

²⁴worqi tante lafati jissite, worqi tante dandansa lagati gatte,

²⁵ammalle yo Waaqi guddaani worqifi qarsi sii tahe,

²⁶duuba atini hojja ch'ufa Waaqa gudda jaalate, aka inni gammada sii kennu agarta.

²⁷Hojja atini isaa kad'attu, inni si d'agaye, atinileeni kakhu tante guuta.

²⁸Waan tolchu feetu ch'ufa dabsate, karaani kankeleeni ifsa sii taha.

²⁹Waaqi nama ufi guddisu diqeese, nama ufi diqeesu baasa.

³⁰Yo atini ch'ubbu inqamne waan d'uga tolchite, inni si baasa.