Read BORANA BIBLE – KITAABA WAAQA Aayubu 39 Bible Online

Aayubu 39 - BORANA BIBLE – KITAABA WAAQA bible

Aayubu 39

¹Atini gaafa reeni abba inqamne, ta gaareeni irati galtu, d'alate imbeeta? Atini aka hiddini d'altu taka ya laalte?

²Atini haga isiini ilme garaati baatu imbeeta? Atini gaafa isiini d'altu imbeeta?

³Atini hojja isiini gach'iifte ilmaani d'altu imbeeta?

⁴Ilmaani isi alati jajabaate, guddate, kaate iti d'aabati, deebite haad'ati indeebitu.

⁵Eenuti harre diida tikha male gad'iise? Eenuti haada ira hiikhe gad'iise?

⁶Anini lafa aloo diida soodda kenneefi aka isiini iti galtu.

⁷Harreeni suni iyyana dira iraa fagaate, nami tokoleeni ka dandae worra lenjise hojachiifatu injiru.

⁸Gaareeni fulla isiini tikhattu, ta worri waan dotaatu ka nyaatu iraa barbaadu.

⁹Gafarsi aka si hojatu ee injed'a? Halkani tokole moona tante keesa imbula?

¹⁰Atini dandeete haadani isa hiite lafaani inqotata? Yokhaani dandeete isa oobru tante maarashaani inqochisifta.

¹¹Atini irre isaa abdate, huji tante jabdu iti illakifta?

¹²Atini waan inni dandae mid'aani sii galche oobditi sii geesu seeta?

¹³Guchini akami gammadani koola hargufati! Ammo taatule guchini tokoleeni dandeete aka baabo alloona imbariftu.

¹⁴Isiini okhokaani isii biyye keesa nat'i, aka biyyeeni owiftu.

¹⁵Isiini aka miili woi ira ejate ch'arase, bineensi alalleni ch'ach'absu imbeetu.

¹⁶Isiini aka waan okhokaani sunini ka isii intahiini taate, aka hujiini isi lafati badu iyyaaltu.

¹⁷Nami daallese qalbi d'owe anuma.

¹⁸Yo isiini utaalchaa kaate, fardafi yaabatu isale inkofalti.

¹⁹Nami farda jabeenna kenneefi gama iti tolche sii?

²⁰Siti aka awaanisa isa kukuripachise, imimsu isaatini nama sodaachisa?

²¹Inni deema fed'afi tae, bale keesa lafa haad'ate, irre ufitini; ch'ee had'iisati iti d'aabata.

²²Inni waan tokole insodaatu, goraadele ind'eetu,

²³woraani nami isa yaabatu harkaa qabu adu keesati qilise bibiliqa.

²⁴Ch'eisa malamale, kae barise iti d'aabata; hojja magalata d'aani inni dandae ufuma ineju.

²⁵Hojja magalata d'aani ch'ufa inni inimimsa; ato fago jiru inni had'iisa suufe, lalaba abbaani duula lalabu d'agaya.

²⁶Qoreeni aka koola ballifte bita bariftu sira baratti?

²⁷Risaani, dubbi tante gula, gaara korre gubbaati mana jaarata?

²⁸Inni fiit'e gaara irati mana jaarate achi tae, rarra d'akha worra tolfata.

²⁹Arti iraa fago laale waan ijeese nyaatu barbaada.

³⁰Risaani fulla reefati wolti bahe, ilmaani risa d'iiga d'uddi.