Read BORANA BIBLE – KITAABA WAAQA Aayubu 4 Bible Online

Aayubu 4 - BORANA BIBLE – KITAABA WAAQA bible

Aayubu 4

¹Jennaani Elifazini, ka worra Teemani, waan jed'e:

²Abbo, yo nami sini dubbate indallanta? Anini amma dandae inch'allisu.

³Me ilaali, atini nama heddu barsiifte, nama laalaafale jabeesite.

⁴Dubbini tante nama gufate kibde nama laafe jabeesite.

⁵Amma gaargali si qabannaani obsu dad'abde inni siti d'ufnaani ira hafu dad'abde.

⁶Atini qara Waaqa sodaate, ch'ubbu lagatte; tanaafi sila akana teete garaa hamachu himmalle.

⁷Nami d'uga taka gaargala ya argate? Me heregi, nama qajeela taka ya ijeesani?

⁸Nami ch'ubbu qote hameenna fach'aasu woma suni murata.

⁹Worra hafuura Waaqatini balleesani, dallansu isaatini worra fit'ani.

¹⁰Ch'ubbichi aka nyeench'a itane d'anga d'aa, ammo Waaqi ch'allisise ilkaani ch'ach'absa.

¹¹Akuma nyeench'a waan ijeese nyaatu inqamne hobaani, ilmaani isaani firfirfamti.

¹²Duri qonqooni laato d'ufte, gurri kiyya hasasa d'agaye.

¹³ Qonqooni suni aka oobju nati d'ufte, hiriba na d'owarte.

¹⁴Anini aka male mudame holad'e, lafeleeni na chochoote.

¹⁵Qilleensi fuula ira na bahe, rifeensi mata kiyya shilkae olkakae.

¹⁶Anini waan achi eja arge, millad'e hubachu dad'abe lafti ch'aqali jette, jennaani qonqo d'agaye. Qonqooni sunini waan jette:

¹⁷Nami dandae Waaqa durati nama d'uga taha? Yokhaani dandae nama isa uume durati qulqullo taha?

¹⁸Waaqi hojattu isaa ind'ugeefatu, malaika isaale wollaala iti mura.

¹⁹Mala keeti, waan inni nama d'oqe iraa mid'aasani ka dandaani aka billaacha ch'arasani d'ugeefatu seeta?

²⁰Namuma diirama lubbu qabuti, ka nami quba inqamne, saafa ch'icha.

²¹Waan inni qabu ch'ufa isa iraa fuud'ani, ato inni qalbi inarganne ch'icha.