Read BORANA BIBLE – KITAABA WAAQA Aayubu 7 Bible Online

Aayubu 7 - BORANA BIBLE – KITAABA WAAQA bible

Aayubu 7

¹Jireenni namaa lafa irati gaargaluma hamaaniti? Bultiini isaa bulti tisse infakaatu?

²Inni aka tisse boqota gaadisa boqotati d'arae, garbicha beese ufii eegatu fakaata.

³Anini jia ch'ufa abdi woma tokole inqabu, halkani ch'ufa gaargalumati nati d'ufa.

⁴Anini yo gadi ch'iisu lafti nati imbariitu, halkani ch'ufa gaargalaa bule, barii lafaa eega.

⁵Nafi kiyya raammae ch'ich'ite, malani mada keesa na yaa.

⁶Guyyaani kiyya yoosu aka bubbe dabre, abdi male hobaa.

⁷Ee Waaqa, na qaabad'u, jireenni kiyya hafuuruma, ilti tiyya deebite gammada ingartu.

⁸Amma tana male, deebite na ingartu. Ato atini teete ilaaltu anini kae iti d'aabad'a.

⁹Akuma dumansi gargari filfilae laanuma baddu, akasuma nami due deebie inkau;

¹⁰inni worra ufiiti ingalu, nami isa beekhuleeni ch'ufti deebie isa inqaabatu.

¹¹Anini dandae inch'allisu, laalala lubbu tiyyaatiifi dubbad'e gaargala kiyyaafi gunguma.

¹²Anini baariini yokhaani goorjama baariiniti, ka atini nama na eegu nati tolchitu?

¹³Hojja anini sire ira gach'iise, laalala tiyya ira hafuura baafad'e d'ukuba kiyya ira miira argad'a jed'u,

¹⁴atini oobju na mudamsiiftu nati buufte, daayya na sodaachiftu nati ergita;

¹⁵tanaafi fulla nafa kanaani gaargalu, hojja sila hud'ani na ijeesani ira naa jirti.

¹⁶Anini ya ufi jibbaad'e, yo duu ira naa jirti. Jireenni na keesati inhamne, na lakifte ho?

¹⁷Nami maani, ka atini waan isaa akana owiftu? Atini waan inni tahu maani ira qabda?

¹⁸Atini diirama ch'ufa isa qorqoratte hojja ch'ufa isa ilaalata.

¹⁹Atini haga anini hanch'ufa liqimsule, ila nara indeefattu?

²⁰Atini ka na eeddu ch'ubbuuni tiyya wo si tolchiti? Atini maanifi t'iya tante nati abirta? Anini d'uguma guddo si d'iba,

²¹atini maanifi ch'ubbu tiyya na inaraaramne, yokhaani wolaalla kiyya biraa naa indeemne? D'iotu na awaalani, atini na barbaada, ammo na ingartu.