Read BORANA BIBLE – KITAABA WAAQA Faaru 108 Bible Online

Faaru 108 - BORANA BIBLE – KITAABA WAAQA bible

Faaru 108

¹Ee Waaqa, garaani kiyya ya jabaate, anini faaru d'aad'e sii faarsa! lubbu tiyya kai!

²Kiraariifi dibbe tiyya kaa! Anini adule lafaa kaasa.

³Ee AABBO Waaqa, anini lafa ch'ufa keesa galata sii deebise, gosa ch'ufa keesa sii faarsa.

⁴Jaalalti tante ta ind'umanne gubbaa geeti; d'ugaani tanteeleni dumansati ejiti.

⁵Ee Waaqa, jabeenna kanke gubbati garsiisi, lafa iraleti guddinna kanke garsiisi.

⁶Irre tanteetiini nu baasi, kad'acha tiyya na d'agayi, aka nami atini jaalatu lubbuu bahu.

⁷Mana isaa qulqullo keesaa, AABBO Waaqi waan jed'e, Gammada keesa anini Shekemu gargari qoode, bale Sukothile gumi tiyyaa qooda.

⁸Gileadiifi Manaseleeni tiyya; Efraimuni sure tiyya ta duula Yudaleeni boku kiyya ka hayyuma.

⁹Ammo Moabuni waan anini keesati bisaani d'iqad'u, ammalle anini kobe tiyya Edomu gubba buuse akasiini aka isiini tiyya garsiisa. Anini hojja worra Filisti dabsad'e gammada.

¹⁰Ee Waaqa, eenuti dira jabeesani jaaraniti na geesa? Eenuti Edomuti na geesa.

¹¹Atini d'uguma ya nu didde? Atini duula keennaani induultu?

¹²Nyaapa keenna nura d'owi, nu qarqaari; qarqaarsi namaa woma keesa injiru.

¹³Eegi Waaqi gama keenna jiraate nu inuma dabsanna; inni nyaapa keenna ira ejaanjate balleesa.