Read BORANA BIBLE – KITAABA WAAQA Faaru 135 Bible Online

Faaru 135 - BORANA BIBLE – KITAABA WAAQA bible

Faaru 135

¹AABBO Waaqa faarsa! Hojattu AABBO Waaqa

²ta Mana AABBO Waaqa keenna keesa hojattu, maqa isa faarsa.

³AABBO Waaqi dansa, isa faarsa, inni naasu qabaa tanaafi maqa isaa faarsa.

⁴Inni Yakobo fohate gumi Israeli ta ufi tolfate.

⁵Anini imbeekha, AABBO Waaqi keenna gudda, inni Waaqa d'ibi ch'ufa ira jira.

⁶Inni gubbafi lafafi baariinifi d'immu bisaani keesaleti waan fed'u tolche.

⁷Inni dumansa muumme lafati fuud'e bokaya keesa angae bubbeele fulla iti olkaye keesaa gadi baasa.

⁸Lafa Misiri keesati inni ilmaani angafa ta namaatiifi ta horile ch'ufa fit'e.

⁹Achiti inni akheekhafi waan mama jabdu tolche, akasiini hayyufi hojattu isaa ch'ufa gaargalche.

¹⁰Inni gosa heddu balleese, hayyoota jajabdule fit'e:

¹¹Sioni, hayyu Amonitifi, Ogu hayyu Bashanitifi hayyoota Kanaani ch'ufale.

¹²Inni lafa isaani gumi isa ta Israeliti kenne.

¹³Ee AABBO Waaqa, maqaani kanke haga jiru jireenna imbadu, d'alooti ch'ufti gurra kanke inqaabata.

¹⁴AABBO Waaqi gumi ufiti kalche hojattu isaale naha.

¹⁵Waaqooti gochiti d'ibiini kad'atu waan qarsifi worqiini mid'aasani, ka nami harki ufiitini tume.

¹⁶Waaqooti suni afaani qabdi, ammo indubbattu, ila qabdi, ammo woma ingartu.

¹⁷Isiini gurra qabdi, ammo woma ind'ageetu, yokhaani hafuurale inqabdu.

¹⁸Nami worra mid'aase abdatu ch'ufti ha akuma waaqoota suni tahuti!

¹⁹Ee gumi Israeli, AABBO Waaqa faarsa, ee qaalole d'aloota Haruni, AABBO Waaqa faarsa!

²⁰Ee worra gosa Lawi, AABBO Waaqa faarsa, isani ch'ufti ka AABBO Waaqa sodaatani isa faarsa!

²¹Sioni keesa AABBO Waaqa faarsa, worra isaa ka Yerusalemuleti isa faarsa! AABBO Waaqa faarsa!