Read BORANA BIBLE – KITAABA WAAQA Faaru 139 Bible Online

Faaru 139 - BORANA BIBLE – KITAABA WAAQA bible

Faaru 139

¹Ee AABBO Waaqa, atini na ilaalte waan kiyya ch'ufa beeta.

²Waan anini tolchu ch'ufa atini imbeeta; ato fago jiraatele atini herega kiyya ch'ufa imbeeta.

³Yo anini woi hojad'ufi yo anini ufumaa taule ch'ufa atini inuma agarta; waan anini tahu ch'ufa atini imbeeta.

⁴Ato anini woma indubbanne, atini waan anini dubbachu fed'u ch'ufa beeta.

⁵Atini moga ch'ufaa na marsite, jabeenna keetiini na qorqorata.

⁶Atini aka male waan kiyya beeta; waan suni anini dandae inhubad'u.

⁷Anini eesati dandae si duraa baqad'a? Anini eesati dandae si dura baha?

⁸Yo anini gubbaa kore atini achuma jirta, yo anini boola ekherati gabue achi ch'iisele, atini achuma jirta.

⁹Yo anini barise ilaborule gama suni dabre, yokhaani ila aduu lafa ind'iaanneleti gale

¹⁰artileeti atini naani deemte harka keetiini na jabeesita.

¹¹Yo anini dukanaani, Na d'ossi jed'e, yokhaani ifsa na marsuni, Halkani tahi jed'ele,

¹²dukanti sii dukananiti, halkanileeni sii guyyuma. Dukanafi ifsaani sii akuma takaa jirti.

¹³Nafa kiyya ch'ufa siumati uume, siumati garaa haad'a tiyya mid'aase keesa na kaye.

¹⁴Waan si sodaatanifi anini si faarsa; wonti atini taatu ch'ufti waan mama ka nami waan isii imbeenne; waan kana ch'ufa anini aka dansaa beekha.

¹⁵Gaafa lafe tiyya mid'aasani, ka garaa haad'a tiyya keesati wolti d'ad'aabani ka anini achi keesati d'ossaani guddad'e, atini aka anini achi jiru imbeeta.

¹⁶Ato anini ind'alatini na garte. Guyyaani naa heregani ch'ufti qara kitaaba kanke keesati t'aafani, ato guyyaani sunini tokoleeni ingahiinu.

¹⁷Ee Waaqa, herega kanke beekhitini akami nati jabaati; inni akami heddu!

¹⁸Yo sila anini hede, inni maansale ira jira. Yo anini hiribaa kau, anini siuma woliini jira.

¹⁹Ee Waaqa, ato tiyya, atini sila ch'ubbicha fitt'a! Ato tiyya nami na ijeesu fed'u ch'ufti na lakise na biraa yaa!

²⁰Worri hameenna kanke dubbate maqa kankele yaka.

²¹Ee AABBO Waaqa, anini nama si jibbu akami jibba! Nama si didule akami tufad'a!

²²Anini aka male worra jibbe aka nyaapa worra herega.

²³Ee Waaqa, na ilaali garaa kiyya beekhi, na laali, heregi kiyya hubad'i.

²⁴Aka hameenni tokoleeni na keesa jiru laali, kara jiru jireenna gula na qajeelchi.