Read BORANA BIBLE – KITAABA WAAQA Faaru 21 Bible Online

Faaru 21 - BORANA BIBLE – KITAABA WAAQA bible

Faaru 21

¹Ee AABBO Waaqa, hayyuuni gammachu qaba, waan atini jabeenna isaa kenniteefi; maro atini isa dabsachifteefi inni akami gammada qaba.

²Atini waan garaani isaa fed'u isaa kennite, waan inni kad'atu guuteefi.

³Atini d'ufte eeba guddo kenniteefi, sure hayyuma ta worqi mata isaa gubbaa keete.

⁴Inni jireenna si kad'annaani, jireenna haguma jiru ind'umanne kenniteefi.

⁵Maro qarqaarsa keetitifi guddinni isaa yayu guddate; atini yayu gurrafi ulfinna gudda kenniteefi.

⁶Eebiti tante ta haga jiru jireenna isa woliini jirti, waan atini isa woliini jirtuufi inni ingammada.

⁷Hayyuuni AABBO Waaqa gudda abdata; maro jaalala Waaqa ta ind'umanneefi hayyule inchochomne.

⁸Hayyichi nyaapa ufii ch'ufa qabe, nama isa jibbule ch'ufa qaba.

⁹Inni hojja d'ufu aka ibida bobau gube worra balleesa. AABBO Waaqi dallansu isaa keesa worra liqimse, ibidileeni worra hobaasa.

¹⁰Ilmaani worra tokoleeni imbaatu, ch'ufa hayyuti hobaasa.

¹¹Worri ato malafi malte iti tolchele isa indabsatu.

¹²Inni t'iya isaatini worra had'e worri garagale baqata.

¹³Ee AABBO Waaqa, nu jabeenna kanke faarsina, ammalle sirbineti irre tantele faarsina.