Read BORANA BIBLE – KITAABA WAAQA Faaru 22 Bible Online

Faaru 22 - BORANA BIBLE – KITAABA WAAQA bible

Faaru 22

¹ Waaqa kiyya, Waaqa kiyya, atini maafi na lakifte? Anini siti bohe qarqaarsa si kad'ad'e, ammo atini na baasu didde.

²Ee Waaqa kiyya, anini guyya si yaamad'a, ammo atini na ch'aqasu didda. Halkanile si yaamad'a, ammo boqota inargad'u.

³Ammo atini Waaqa qulqullo ka barch'uma guddinna gubba teetu, nami worri Israeli faarsu sii.

⁴Ababooti teenna si abdatte si heregatte, duuba atini worra baafte.

⁵Worri si yaamate, gaargala keesaa bahe, si abdate jennaani ch'eeru d'owarte.

⁶Anini raamo, namaaniti, nami ch'ufti na tufate na goyesa.

⁷Nami na argu ch'ufti na goyese, na miid'e, mata nati irbee,

⁸ waan nani jed'u, Atini Waaqa abdatte, inni ha si baasu. Yo AABBO Waaqi si jaalate, inni ha si qarqaaruti!

⁹Nami na qorqorate garaa haad'a tiyya keesaa na baaseleeni sii, harma haad'a tiyyale siumati na hosise.

¹⁰Anini haguma d'alad'e suma heregad'e, Waaqi kiyya haguma duriti sii.

¹¹Naraa infagaatiini! Gaargali ya nati d'iaate, nami na qarqaaru d'ibiini injiru.

¹²Nyaapi aka koromi looni na marse, aka koromi lafa Bashani jajanna d'aatu tiyya enjaanja.

¹³Worri aka nyeench'a afaani bane nati itane, gaadeeni na tatarsaasa.

¹⁴Irreeni tiyya aka bisaani lafati jissani bade, lafeleeni tiyyaleeni mitta keesaa yaate. Onneeni tiyyaleeni aka haanch'a na keesati bat'e.

¹⁵Lubbuuni tiyya guddo gogodde, arabi kiyyaleeni laagati na mat'ane. Atini yayu awaara keesa na buufte, duati na lakifte.

¹⁶Duuli nama ch'ubbuu na marse; aka yayi nati baafate, harkaafi miila kiyyale ch'ufa tatarsaase.

¹⁷Lafeleeni tiyya ch'ufti ya diidati yaate, nyaapi kiyyaleeni ya na dawate ch'eera kiyya arge.

¹⁸ Worri hit'a buufate, woya tiyya gargari qoodate.

¹⁹Ammo, ee AABBO Waaqa, atini nara infagaatiini, hurrisi kooti, na qarqaari.

²⁰Goraade tana jalaa na baasi lubbu tiyyale sareele tana duraa baasi.

²¹Nyeench'a kanale duraa na baasi, anini gafarsa kana ufira d'owu indandau.

²² Anini waan atini tolchite gosa tiyyati hime gumi isaani durati si faarsa:

²³isani, hojattuuni AABBO Waaqaa isaa faarsa! D'aloota Yakobo, isa guddisa! Worra Israeli, isa ulfeesa!

²⁴Inni hiyyeesa illakisu, yokhaani gaargala worraale argu indidu. Ammalle duraa ind'okhatu, ammo hojja worri qarqaarsa iti bohu ind'agayaafi.

²⁵Gumi guddo keesati anini galata si deebise si faarsa; nama si kad'atu durati sorio anini, si baasa jed'e kakhad'e taani sii baasa.

²⁶Hiyyeesi haga fed'u nyaate quufa; nami AABBO Waaqa barbaadu isa faarsa. Worri sunini ha haga jiru jireenna hormaata qabaatuti!

²⁷Gochiti ch'ufti AABBO Waaqa qaabate, fulla jirtu ch'ufa isati deebiti; nami gosa ch'ufa isa dura d'ufe kad'ata.

²⁸Finni ka AABBO Waaqati, inni lafa ch'ufa fida.

²⁹Nami ch'ufti dureesafi hiyyeesileeni isa durati gajejed'a.

³⁰D'alooti takaa tanaleeni isaa hojate, waan AABBO Waaqa nama qara ind'alatinileeti haasani.

³¹Ammalle waan worra garaa haad'a jiru sunini jed'ani: AABBO Waaqi ya gumi isaa baase.