Read BORANA BIBLE – KITAABA WAAQA Faaru 34 Bible Online

Faaru 34 - BORANA BIBLE – KITAABA WAAQA bible

Faaru 34

¹Anini hojja ch'ufa AABBO Waaqaa galata deebise, guyya ch'ufale,

²waan inni tolcheefi isaa faarsa; nami dabsani ch'ufti ha faaru suni d'agaye gammadu.

³AABBO Waaqa wolumaani guddimne maqa isaa wolumaani faarsina!

⁴Anini AABBO Waaqa kad'ad'e, duuba inni na d'agaye, waan anini sodaad'u ch'ufa jalaa na baase.

⁵Nami dabsani yo Waaqa d'aabatu ingammada, worri haguma jiru inch'eeru.

⁶Yo hiyyeesi isaati bohe, inni ind'agayaafi, gaargala isaa ch'ufa keesaa isaa baasa.

⁷Malaikaani AABBO Waaqa, nama isa sodaatu eedde, gaargala keesaa baafti.

⁸ Aka AABBO Waaqi dansa ufumaani argi. Ayyaana isaati ka isaati d'eetu.

⁹Nami AABBO Waaqa d'ugeefatu ch'ufti isa sodaad'a. Nami isaa saalfatu ch'ufti womafu irakatu.

¹⁰Nyeench'ileeni sagale d'abe imbeela, ammo nami AABBO Waaqa barbaadu waan dansa tokole ind'abu.

¹¹Ilmaani tiyya koota na ch'aqasa, aka Waaqa sodaatani isani barsiisa.

¹² Atini jireenna dansa feeta? Gammade lubbu tante ta d'eeratu feeta?

¹³Yoosi hameenna indubbatiini yokhaani inkiyyibini

¹⁴ch'ubbu ira deebii, waan dansaa tolchi; garaa kanke ch'ufaani nagaya barbaadi.

¹⁵AABBO Waaqi nama d'ugaa qajeela ilaale, hojja worri isa yaamule jalaa owaata;

¹⁶ammo nama ch'ubbu hojattu indida, duuba akasiini hojja worri duu, deebiani inqaabatani.

¹⁷Hojja nami d'ugaa qajeelani AABBO Waaqa yaamatu, inni jalaa owaate gaargala isaa ch'ufa keesaa baasa.

¹⁸Nama ufi jibbaate AABBO Waaqi iti d'iaat'e, ka abdi womatu inqamnele baasa.

¹⁹Nami dansaani gaargala heddu argata, ammo AABBO Waaqi gaargala suni ch'ufa keesaa isa baasa,

²⁰ aka jaba isa qorqorate lafe isa tokole ch'abu d'owa.

²¹Ch'ubbicha ch'ubbuma isaati ijeesa, nama nama d'ugaa jibbu wollaala iti murani gaargalchani.

²²AABBO Waaqi gumi ufii baase, nama isaati baqatu ch'ufa lubbu baasa.