Read BORANA BIBLE – KITAABA WAAQA Faaru 39 Bible Online

Faaru 39 - BORANA BIBLE – KITAABA WAAQA bible

Faaru 39

¹Anini waan jed'e, Anini ufi qorqorad'a, aka arabi kiyya ch'ubbu keesa na imbuumne; anini hojja nami ch'ubbu na d'aatu jiru afaani qabad'a.

²Duuba anini waan hamtufi toltule tokole woma indubbanne ch'allise! Ammo taatule gaargali kiyya nati guddate,

³hojja ch'ufa mudamsuuni na qabate, akuma anini ch'allise woi hereguuni gaargali nati guddate;

⁴jennaani anini afaani qabachu dad'abe waan jed'e: Ee AABBO Waaqa, guyyaani kiyya yoomi? Anini yoomi dua? Guyya kiyya nati himi.

⁵Atini guyya kiyya guddo gabaabsite, bultiini tiyya si durati woma keesa injirtu. D'uguma, nami lubbu qabu ch'ufti qilleensa maro tokotu dabrule ira injiru,

⁶yokhaani gaandidule ira injiru. Wonti inni tahu tokoleeni woma keesa injirtu; inni beese wolti tuula, ammo nama eege d'ufe fud'atu imbeekhu.

⁷Duuba ammo, ee AABBO Waaqa, wonti anini d'aabad'u maani? Wonti anini d'aabad'u suma.

⁸Ch'ubbu tiyya ch'ufa keesaa na baasi daalle na koblu d'owi.

⁹Anini afaani qabad'a, woma indubbad'u, wonti akanatiifi nami waan kana na tolche sii.

¹⁰Deebite na ind'aaniini, anini diquma d'abanaasa teetiini induiini.

¹¹Atini hojja ch'ubbu namaa agartuu gorsa jabaani isa qajeelchite, ammalle aka buuqataani woi balleesu waan nami suni jaalatu balleesita. D'uguma nami qilleensa ira injiru!

¹²Ee AABBO Waaqa, kad'acha tiyya na d'agayi, boha tiyyale ch'aqasi hojja anini bohule kooti na qarqaari. Anini ideemtu kara deemtu faakad'a.

¹³Na lakisi, aka anini, ato lafa tana ira due iti ind'aabanne, gammadu.