Read BORANA BIBLE – KITAABA WAAQA Faaru 51 Bible Online

Faaru 51 - BORANA BIBLE – KITAABA WAAQA bible

Faaru 51

¹Ee Waaqa, maro jaalala tante ta ind'umanneetiifi naa nahi, naasu tante guddo sunini ch'ubbu tiyya naraa balleesi!

²Hameenna kiyya ch'ufa naraa d'iqi, ch'ubbu tiyya ch'ufa na qulqulleesi!

³Anini wollaala kiyya imbeekha, ch'ubbu tiyyale hojja ch'ufa qaabad'a.

⁴ Anini siti ch'ubbame — si ch'allati ch'ubbame — waan atini hamtu seetu ch'ufa tolche. Tanaafi hojja atini dubbi qorte wollaala nati murtu d'ugaani teeti.

⁵Anini haguma d'alad'e daba qaba, haguma duri garaa haad'a tiyya keesati uumame ch'ubbu qaba.

⁶Atini d'ugaafi qajeeluma nama ira feeta, taanafi qarooma kanke naa kenni, qalbi tiyya keesa kai.

⁷Daba kiyya naraa fuud'i, duuba inqulqullaa; na d'iqi duuba anini aka dansa qulqullae, addaad'e haama fakaad'a.

⁸Gammadaafi qilit'ama na d'ageesisi, nafi kiyya ka qara atini ch'ach'absite ha gammadu.

⁹Ila tanteetiini ch'ubbu tiyya inilaalini hameenna kiyya ch'ufa naraa balleesi.

¹⁰Ee Waaqa, garaa qulqullo naa kenni, lubbu hareeti sira gara ingalle na keesa kai.

¹¹Fuula kanke duraa na ingussini, lubbu qulqullo tantele naraa infud'atini.

¹²Gammada baafami kanke namaa kennu naa deebisi, garaa sii saalfatu naa kenni.

¹³Duuba anini seera kanke worra ch'ubbuu barsiise, worrileeni siti deebia.

¹⁴Ee Waaqa, d'iiga namaa ka anini duri jisse jette, na inijeesiini lubbu na baasi, duuba anini d'uga tante gammadaani biyyati odeesa.

¹⁵Ee Aabbo, araba na qajeelchi, aka anini si faarsu.

¹⁶Ato atini sila sorio feete anini sii baasa, ammo sorioni gubanileeni si ingammachiiftu.

¹⁷Ee Waaqa, sorioni tiyya garaa laana ka anini si gulaani deemu; atini garaa laana, ka ch'ubbu iraa deebiu, indiddu.

¹⁸Ee Waaqa, gaara Sioni nahiifi eebisi, naabo Yerusalemule jabeesi jaari.

¹⁹Duuba atini sorio d'ugaatifi waan gubani sorio baasanile iraa gammadda; ammalle koromile waan sorio irati sii baasani irati sii qalani.