Read BORANA BIBLE – KITAABA WAAQA Faaru 55 Bible Online

Faaru 55 - BORANA BIBLE – KITAABA WAAQA bible

Faaru 55

¹Ee Waaqa, kad'acha tiyya d'agayi, dubbi tiyya didde duraa ind'okhatiini!

²Na ch'aqasi, na jala qabi; heregi kiyya ya na gaargalche ufi na jibbaachise.

³Qonqooni nyaapa kiyya ya na mudamsiifte, worri ch'ubbuleeni ya dabse na balleese. Worri nati dallane na jibbe, gaargala natiini d'ufe.

⁴Anini ya mudame mudamsuuni dua na qabate.

⁵Sodaani na qabate holad'e, lubbuuni na d'ufte.

⁶Duuba anini waan jed'e, Ato sila koola aka sabaliisa qabad'e barise fulla iti boqod'u barbaada.

⁷Anini barise fagaad'e, lafa alooti gala.

⁸Anini utaale, bubbeefi bokaya duraa baqad'e, fulla iti qobad'u barbaada.

⁹Ee Aabbo, nyaapa kiyya afaani wolwolaalchisi! Anini dira keesa nama woldiduufi ka woldabsu arga

¹⁰ka halkani guyya dira suni marse hameennaafi gaargalaani guutu.

¹¹Diri kunini ya bade, gabaya isaa keesati nami woldabse sobe wolballeesa.

¹²Ato sila nyaapi na goyeese, anini inobsa; ato sila nami nani morku nati koore, anini dandae isa duraa d'okhad'a.

¹³Ammo nami akana na tolchu sii, ka golifi wahelaafi jaala kiyya jaba.

¹⁴Nu duri haasaa dansa woliini haasomne, Mana Waaqaa keesaleti woliini kad'anne.

¹⁵Nyaapi kiyya ato guyyaani isaa ingenne, ha hobauti, ha ato jiru boola ekhera buuti! Wonti akanatiifi worra isaanitifi garaa isaanile keesa hameennati jira.

¹⁶Ammo anini AABBO Waaqa yaamad'a, nami na baasu isa.

¹⁷Diiramafi guyyaafi halkanile, gungumsuni tiyyafi waachani tiyyaleeni gara Waaqaa deemti. Innileeni qonqo tiyya d'agaya!

¹⁸Inni had'iisa heddu, nu nyaapa kiyyaani wolhane ch'ufa, nagayaani jalaa na baasa.

¹⁹Waaqi ka haguma duriti lafa fidu, kad'acha tiyya na d'agaye worra balleesa; wonti akanatiifi worri deebie garagale isale insodaatu.

²⁰Waheli kiyya ka duri kaani jaalani ufii had'e, kakhu duri kakhate guutuu dide.

²¹Dubbini isaa damma ira mioofti ammo garaa isaa keesa jibbaati jira; jechi isaa d'ad'a ira laafa, ammo aka goraade nama mura.

²²Gaargala kanke AABBO Waaqati kennad'i, nami si jabeesu isuma; inni aka nama d'uga dabsatani ee injed'u.

²³Ammo, ee Waaqa, atini worra nama ijeese kiyyiba kaani, ato guyyaani worraa ingeenne, boolati guurta. Ammo anini gama kiyyani siuma ch'alla abdad'a.