Read BORANA BIBLE – KITAABA WAAQA Faaru 59 Bible Online

Faaru 59 - BORANA BIBLE – KITAABA WAAQA bible

Faaru 59

¹Ee Waaqa kiyya nyaapa kiyya jalaa na baasi, nama na had'ule duraa na baasi!

²Worra hamama suni duraa na baasi harka worra nama ijeesuu kana keesaa na baasi!

³Me laali, worri hamaani kaani ya na marse, worri gaadeti na ijeesuu fed'a. Ee AABBO Waaqa maro dabaafi ch'ubbu anini tolchetiiniti yokhaani maro wollaala kiyyatiiniti, ammo worri fayyuma tana na reebe na had'a.

⁵Ee AABBO Waaqa gudda, kai, kooti na qarqaari; Ee Waaqa Israelii waan kana atumaani argi. Kai, gosa d'ibi ta Waaqa imbeenne gaargalchi, worra hamama waan ch'ubbu malatu lubbu imbaasiini.

⁶Worri galgala ch'ufa fulla aduuni d'iitu d'ufe, aka sare gururia dira keesa yaa.

⁷Arabaafi dubbi hamtu worri dubbatu ch'aqasi arabi worra aka goraade jira; worri waan jed'u, Eenuti nu d'agaya.

⁸Ammo atini, ee AABBO Waaqa worra kobluu jirta; nama gosa si imbeenne ch'ufa goyeesuu jirta.

⁹Ee Waaqa, anini jabeenna kanke abdad'a, tanaafi siti baqad'a.

¹⁰Waaqi kiyya na jaalata, inni fulla tiyya d'ufa; inni nyaapa kiyya ka dabsatani na garsiisa.

¹¹Ee Waaqa, worra inhobaasini, aka worri kiyya worra indeene; jabeenna keetiini worra dabsad'i, gargari firfirsi, ee AABBO Waaqa wonte, teenna.

¹²Ch'ubbuuni araba worra ira teteeti; dubbini worra ch'ufti ta ch'ubbuti; worra ha kiyyiba worra keesati qabaniti! Waan worri nama abaare d'ara dubbatufi,

¹³dallansu tante keesa aka taka inargini worra hafuu d'owi lafa iraa hobaasi. Duuba akanaani aka AABBO Waaqi lafa Israeli mohate, mohachaani isaa muumme lafa ch'ufa geetu, beekhani.

¹⁴Nyaapi kiyya galgala gadeebie, aka sare gururia dira keesa yaa,

¹⁵akuma sare sagale funaana yaate hojja d'abdu gururitu.

¹⁶Ammo anini waan jabeenna keeti sirbe, jaalala tante ta ind'umanne diirama ch'ufa faarsa. Atini fulla anini iti baqad'uufi ta hojja gaargala anini iti d'okhad'u naa taate.

¹⁷Ee irre tiyya anini si faarsa, atini Waaqa kiyya ka anini iti baqad'u, Waaqa hojja ch'ufa na jaalatu.