Read BORANA BIBLE – KITAABA WAAQA Faaru 60 Bible Online

Faaru 60 - BORANA BIBLE – KITAABA WAAQA bible

Faaru 60

¹Ee Waaqa, atini qara ya nu didde nu dabsate, atini qara ya nuti dallante — ammo amma nu deefad'i.

²Atini qara yayu lafa chochoofte gargari tarsaafte; amma wolti deebisi gargari jiguu d'owi.

³Atini yayu gaargala hama gumi teetitiini d'ufte; nu aka waan machoomne kaani dadaaqa yaana.

⁴Atini nama si sodaatu ya gorsite, aka worri wollaala keesa inseene.

⁵Irre tanteetiini nu baasi, kad'acha teenna nu d'agayi, aka nami atini jaalatu lubbu bahu.

⁶Mana isaa qulqullo keesa AABBO Waaqi waan jed'e, Gammada keesa anini Shekemu gargari qoode, bale Sukothile gumi tiyyaa qooda.

⁷Gileadiifi Manaseleeni tiyya; Efraimuni sure duulaa tiyya, Yudaleeni boku kiyya ka hayyuma.

⁸Ammo Moabuni waan anini keesati bisaani d'iqad'u, ammalle anini kobe tiyya Edomu gubba buuse, akasiini aka isiini tiyya, garsiisa. Worri Filisti waan na dabsate gammadu ufi seha?

⁹Ee Waaqa eenuti dira jabeesani jaaraniti na geesa? Eenuti Edomuti na geesa?

¹⁰Atini d'uguma ya nu didde? Atini duula keennaani induultu?

¹¹Nyaapa keenna nura d'owi, nu qarqaari; qarqaarsi namaa woma keesa injiru.

¹²Eegi Waaqi gama keenna jiraatte, nu inuma dabsanna; inni nyaapa keenna ira ejaanjate balleesa.