Read BORANA BIBLE – KITAABA WAAQA Faaru 69 Bible Online

Faaru 69 - BORANA BIBLE – KITAABA WAAQA bible

Faaru 69

¹Ee Waaqa, na baasi! Bisaani ya mormati naa ch'iisani;

²anini d'oqe keesa lit'uu jira, lafti godduuni ta anini ira ejad'u injirtu; anini yayu bisaani qile keesa seene d'awaani bisaani diquma na infud'atini.

³Anini ya boha d'aqe ufi jibbaad'e, qarqaarsale d'abe, lubbuleeni ya na gogodde. Anini ya sii barbaada d'aqe, ilti na godde.

⁴ Nami fayyuma tana na jibbu rifeensa mata kiyyale ira jira. Nyaapi kiyya d'ara tiyya dubbate, jabaate na ijeesu fed'a. Worri waan anini inhatiini irreeni naraa fuud'e.

⁵Ee Waaqa ch'ubbuuni tiyya si durati ind'okhatu. Atini aka anini daalle imbeeta.

⁶Ee AABBO Waaqa gudda, aka anini nama si d'ugeefatu inch'eersine, tahu na d'owi. Ee Waaqa Israeli, aka anini nama si kad'atu inch'eersine, tahu nu d'owi!

⁷Maro teetifi na arabsani na ch'eersani.

⁸Anini oboleyaani tiyyati keessuma fakaad'a, worra kiyyaleti nyaapa fakaad'a.

⁹ Jaalalti anini Mana kanke jaalad'u aka ibida na keesa bobeeti. Arabi si arabsani ya nati deebie.

¹⁰Anini ufi diqeese ufi agabse, waan sunifi nami na arabse.

¹¹Anini ch'arqi naqad'e jennaani sunile na koblani.

¹²Fulla nami wolti bahu ch'ufati waan kiyya hasaani, nami machaeleeni waan kiyya sirba.

¹³Ammo anini si kad'ad'a, ee AABBO Waaqa; atini hojja sii malte na d'agayi. Maro jaalala tante guddotifi na ch'aqasi, waan atini, si baasa jette kakhateefi.

¹⁴D'oqe keesa lit'u na d'owi harka nyaapa kiyyatiifi bisaani qile keesaa na baasi.

¹⁵Bisaani nati fach'aau d'owi; dimmufi boola duaa keesa buu na d'owi.

¹⁶Ee AABBO Waaqa, maro dansuma jaalala tante ta ind'umanneeti jed'i, na d'agayi; naasu tante guddooni nati deebii!

¹⁷Fuula kanke hojattu tante ind'ofatiini gaargali guddani ya na qabate hurrisi na d'agayi!

¹⁸Nati d'iaad'i na baasi, harka nyaapa kiyya keesaa na baasi.

¹⁹Atini aka na arabsani na ch'eersani gurra na balleesani imbeeta; nyaapa kiyya ch'ufa atini inuma agarta.

²⁰Arabi na arabsani ya garaa na yake ufi na jibbaachise. Anini nama naa nahe, garaa na jabeese na kibu, barbaade d'abe,

²¹ Gaafa anini beela qabu had'aa na nyaachisani; gaafa anini d'eebu qabu waan kurooftu na obaasani.

²² Jilti worra ha badini worraati d'uftuuti; isiini ha t'urura worraati taate worra balleesitu.

²³Ila worra duduchi aka worri woma ingarre! Dudda worraa haga jiru jireenna gadigosi!

²⁴Dallansu tante hamtu worrati buusi isiini ha worra balleesitu.

²⁵ Olla worraa ona tolchi waaro worraa nama keesaa balleesi.

²⁶Worri nama atini d'oofte madeesite gaargalche, nama atini woraantele gaargala isaa dubbata.

²⁷Daba worra ch'ufa t'aafad'i, aka worri baafama kanke keesaa fulla argatu tahu d'owi.

²⁸ Maqa worra kitaaba kanke ka jireenna keesaa balleesi, gumi tante keesale worra kuti.

²⁹Ammo anini guddo d'ukubsad'e gaargala kee jira; ee Waaqa, oli na d'aabi, na baasi!

³⁰Anini maqa Waaqaa sirba keesati faarse, galata isaa deebise, guddinna isale odeesa.

³¹Wonti kunini looni sorio baasanifi, korma AABBO Waaqa baasanile ch'ufa ira isa gammachiifti.

³²Hiyyeesi, hojja waan kana argu, ingammada; nami Waaqa kad'atuleeni garaa jabaata.

³³AABBO Waaqi nama isaa ka gaaragala qabu d'agae, gumi isaa ta hid'aansa keesa jirtule inded'u.

³⁴Lafafi gubbafi baariinifi wonti keesa jira ch'ufti, AABBO Waaqa faarsa.

³⁵Inni Yerusalemu baase, dira Yuda ka qara jigele jaara. Gumiini isaa achi teete, lafa suni fud'atti;

³⁶nami d'aloota hojattu isaa lafa suni d'aala ammalle nami isa jaalatuleeni qubate achi taa.