Read BORANA BIBLE – KITAABA WAAQA Faaru 86 Bible Online

Faaru 86 - BORANA BIBLE – KITAABA WAAQA bible

Faaru 86

¹Ee AABBO Waaqa, na ch'aqasi na jala owaad'i; anini hiyyeesa laafa qarqaarsa womatu inqamne.

²Anini namuma keeti, dua keesaa na baasi. Anini hojattu tante ta si d'ugeefatu, na baasi.

³Atini Waaqa kiyya, naa nahi anini guyya ch'ufa siuma kad'ad'a.

⁴Ee AABBO Waaqa, hojattu tante gammachiisi, wonti akanatiifi kad'achaani tiyya gubbati si d'aqabdi.

⁵Atini nuu dansa, ch'ubbule nu araaramta. Ammalle nama si kad'atu ch'ufa jaalala tante ta ind'umanne garsiifta.

⁶Ee AABBO Waaqa, kad'acha tiyya naa d'agayi, qarqaarsa anini tae kad'ad'u ch'aqasi.

⁷Waan atini kad'acha tiyya d'ageetuufi anini hojja gaargala si yaamad'a.

⁸Ee AABBO Waaqa, waaqi d'ibiini ka aka keeti tokoleeni injiru, ka waan atini hojatte taka hojate injiru.

⁹ Gochiti atini uumte ch'ufti d'ufte, si durati gajette, maqa kanke guddifti.

¹⁰Atini jaba, ammalle waan mama tolchita; siuma ch'allati Waaqa.

¹¹Ee AABBO Waaqa, kara kanke na garsiisi, duuba anini jabaad'e d'uga tante gula deema; aka anini garaa tokooni si hojad'u herega kiyya ch'ufa qajeelchi.

¹²Ee AABBO Waaqa kiyya, anini garaa kiyya ch'ufaani si faarse, haga jiru jireenna maqa kanke guddisa.

¹³Jaalalti tante, akami guddo! Atini boola duale ya keesaa na baafte.

¹⁴Ee Waaqa, nami kiyyibaani na had'uu jira, nami naasu inqamne, ka waan kanke iyyaale, na ijeesuu fed'a.

¹⁵Ammo atini, ee AABBO Waaqa, Waaqa naasufi jaalala qabu, ka hurrise indallanne, ka hojja ch'ufa namaa nahe nama jaalatu.

¹⁶Nati garagali, na nahi; akuma haati tiyya si hojate anileeni si hojad'a, tanaafi na jabeesi, na baasi.

¹⁷Ee AABBO Waaqa, akheekha dansuma teeti na garsiisi, aka nyaapi kiyya, hojja atini na jabeesite na qarqaartu argu, ch'eeru.