Read BORANA BIBLE – KITAABA WAAQA Faaru 91 Bible Online

Faaru 91 - BORANA BIBLE – KITAABA WAAQA bible

Faaru 91

¹Nami AABBO Waaqati baqate, qarqaarsa isa iraa fed'atu,

²waan jed'uuni atini siida kiyya, ka anini iti baqad'u; Waaqa kiyya, ka anini abdad'u.

³Inni t'urura si kayani ch'ufa duraa si baase, ch'iisa d'ukuba ch'ufa jalaa si baasa.

⁴Inni koola isaa jala si keeyate, si d'osse, si qorqorata; d'ugaani isaleeni woraanafi wonte si taati.

⁵Atini waan halkani nama mudamsiisafi t'iya guyya siini had'anifi.

⁶Ch'iisa d'ukuba ka dukana keesa si qabatu, yokhaani hameenna guyya ch'ufa si qabatu insodaatu.

⁷Ato nami kuma toko si birati hobae nami kuma kud'ani si birati raawatele atini woma intaatu.

⁸Atini aka ch'ubbicha gaargalchani iluma tante ch'allaani garta.

⁹Waan atini AABBO Waaqa gudda qarqaarsafi siida atini iti baqatu tolfateefi,

¹⁰gaargali tokoleeni si ind'aqabu, wonti hamtuuni tokoleeni mana keetiti ind'iaatu.

¹¹Waaqi harka malaika ufiti si kenna, aka worri fulla atini deemtu ch'ufati si qorqoratu.

¹²Worri harka ufiitini si qaba, aka miila kanke d'akhaani ind'oomne.

¹³Atini nyeench'afi bofa ira ejaanjate, gorjamaafi bofa had'aa hamtu qabu ch'ach'arasita.

¹⁴Waaqi waan jed'u, Anini nama na jaalatu baase nama aka anini AABBO Waaqa beekhu qorqorad'a.

¹⁵Hojja worri na yaamatu anini jalaa owaad'a; hojja worri gaargala keesa jiru anini worraa wahelcha. Anini worra baase ulfinna kennaafi.

¹⁶Anini lubbu worraa d'eerese, baafama kiyya garsiisa.