Read BORANA BIBLE – KITAABA WAAQA Faaru 92 Bible Online

Faaru 92 - BORANA BIBLE – KITAABA WAAQA bible

Faaru 92

¹Ee AABBO Waaqa, aki galata si deebisani akami dansa! Ee Waaqa gudda, aki maqa kanke faarsanileeni waan akami dansaa.

²Hojja jaalala tante ta ind'umanne guyya ch'ufa waan isii odeesani, d'uga tante halkani ch'ufa kiraariifi miha sirba d'ibi d'aani faarsani akami dansa.

⁴Ee AABBO Waaqa, hujiini tante jabduuni ya na gammachiifte; maro waan atini harka kanketiini tolchiteefi anini gammade sirba.

⁵Ee AABBO Waaqa, hujiini tante akami jabdu! Heregi kanke akami gudda!

⁶Waan kana daalleeni imbeetu, gowaani inhubatu:

⁷ch'ubbichi, ato aka marra bahe, nami hamaani woi horatele, worra haga jiru jireenna balleesani,

⁸ammo ee AABBO haga jiru jireenna si guddisani.

⁹Nu imbeenna, nyaapi kanke ch'ufti inhobaa, nama ch'ubbu tolche ch'ufa imballeesani.

¹⁰Atini yayu jabeenna aka gafarsa naa kennite, na eebifte na gammachiifte.

¹¹Anini yayu nyaapa kiyya ka dabsatani arge, iyyanna worra ch'ubbule d'agaye.

¹²Worri d'ugaa qajeelani aka meet'i bahe, aka hind'eesa Lebanoni guddata.

¹³Worri sunini mukha Mana AABBO Waaqa keesati bahu, ka achiti bahe guddate,

¹⁴hojja jaarelle mid'aani d'ale hojja ch'ufa dotaate bahu fakaata.

¹⁵Wonti kunini aka AABBO Waaqi, Waaqa d'ugaa garsiifti; inni siida kiyya, ka wollaala womatu inqamne.