Read BORANA BIBLE – KITAABA WAAQA Mammaasa 11 Bible Online

Mammaasa 11 - BORANA BIBLE – KITAABA WAAQA bible

Mammaasa 11

¹AABBO Waaqi nama miisana woini biimu keesa nama dabsu injibba, ammo nama misana qit'eese woi biimu injaalata.

²Nama ufi guddisu inch'eersani, ammo nami ufi inguddimne qarooma argata.

³Nama dansa d'ugaa isaati qajeelcha, ammo nami nami ind'ugeefanne ch'ubbu ufitini bada.

⁴Duroomi guyya dua woma si imbahu, ammo d'ugaani lubbu tante baafti.

⁵Nama ch'ubbu inqamne d'ugaani bulti isaa mid'aasiti, ammo ch'ubbichi hameennuma ufitini bada.

⁶Nama d'ugaa qajeeluma isaati baasa, ammo nami nami ind'ugeefanne dubbuma ufitini d'ibama.

⁷Hojja ch'ubbichi duu, d'aabuuni isaleeni isuma woliini dooti, wonti inni heregate ya muumme baate.

⁸Nama qajeela gaargala keesaa baasani, ammo ch'ubbicha gaargala suniti qabata.

⁹Nami Waaqa imbeenne afaanuma ufitini olla ufi balleesa, ammo nami d'ugaa qaroomuma ufitini ufi baasa.

¹⁰Yo nami d'ugaa woi horatu diri inni keesa tauleeni ingammada, yo ch'ubbichi duu nami wolti bahe gammade sirbe lalaba.

¹¹Yo nami d'ugaa qajeelani dira eebisu, diri sunini gurra horata, ammo jechi ch'ubbicha dira suni imballeesa.

¹²Nami nama tufate goyeesu daalle, ammo nami woi beekhu afaani qabata.

¹³Nama woma ind'ossine, ka hamtu namaa dubbatu, woma iti himu himmalle, ammo nama quufani waan d'ossale iti himani.

¹⁴Gochiti nama dura deemu inqamne imbaddi, gorsi jaarsa heddu nagayaani d'ufa.

¹⁵Nami nama fuula imbeenne gati kenne ufii gaaba, yo waan suni ufi hanqifte ira sii jirti.

¹⁶Niiti ch'eera foko qabdu, insaalfatanifi, ammo niitiini ch'eera inqamne waan fokoti. Nami laafaani woma inhojanne haga jiru woma inhoratu, ammo nami irreeni woi barbaadu hori horata.

¹⁷Nami namaa nahu woi ufi mid'aasa, ammo nami naasu inqamne woi ufi duraa yaka.

¹⁸Ch'ubbichi woma inhoratu, ammo nami qajeeluma gula deemu waan dansa argata.

¹⁹Nami d'uga ch'alla gula deemu injiraata, ammo ka waan hamtu tolchu indua.

²⁰AABBO Waaqi nama herega hama qabu jibbe, ammo nama waan dansa gula deemu injaalata.

²¹Waan kana hubad'a, ch'ubbichi gaargala inuma argata, ammo nami d'ugaa gaargala duraa baha.

²²Mid'aagumti niiti woma imbeenne qube worqi ta funnani booyyeeti kayani fakaati.

²³Wonti nami dansaani fed'u dansuma taati; yo nami hamaani waan fed'u argate nami ch'ufti indallana.

²⁴Nami gari arja tahe sunuma iraani hora, ammo hagi gari hori iraa bahu dide, sunuma iraani hiyyumti qabati.

²⁵Arja taha, duuba woi horatani. Nama qarqaara, isanile inqarqaarani.

²⁶Nama mid'aani d'osse gati guddooni eegatu inabaarani, ammo ka gurguru infaarsani.

²⁷Nami waan dansa barbaadu gurra dansa argata, ammo nami waan hamtu barbaadu woma suni argata.

²⁸Nami durooma ufi d'aabatu akuma baala mukha gogoge lafati jiga, ammo nami d'uga gula deemu akuma mukha doti bahe bosona.

²⁹Nami waan hamtu worra ufitini d'ufu takaa tanalee woma hamtu taha. Daalleeni guyya ch'ufa qaroo hojatti.

³⁰D'ugaani jireennani d'ufti, ammo loli jireenna suni imballeesa.

³¹ Nami d'uga gula deemu lafa tana irati waan maleefi argata, ch'ubbichafi dabdichileeni akasuma hagasi irale gaargala isaa male argata.