Read BORANA BIBLE – KITAABA WAAQA Mammaasa 12 Bible Online

Mammaasa 12 - BORANA BIBLE – KITAABA WAAQA bible

Mammaasa 12

¹Nami gorsa didu woma imbaratu, gorsa diditileeni daalluma.

²Nami dansaani AABBO Waaqa ira eeba argata, ammo inni nama waan hamtu namati malatu wollaala iti mura.

³Nami hamani jireenna isaa keesa jajabaate ineju, ammo nami d'ugaa inchochou, jajabaateti eja.

⁴Niitiini dansaani gaad'a d'iirsaati, ammo niitiini hamtuni d'iirsaa inch'eere d'ukuba hama lafa keesati.

⁵Heregi nama d'ugaa kama d'ugaati, ammo heregi ch'ubbicha waan d'araati.

⁶Dubbini ch'ubbicha waan nama ijeesati, ammo dubbini d'ugaa lubbu namaa baafti.

⁷Ch'ubbichi indua, daarale inhoratu, ammo nama d'ugaa worri isaa haguma jiru ch'ufa injira.

⁸Nama qaroomuma isaatini saadani, ammo daalle daallumuma isaatini tufatani.

⁹Nama nama gudda ufi sehu, ka ammo garaacha imbulle, ira, nama guddinna inqamne ka harka ufitini hojate buluuti gooma.

¹⁰Nami dansaani hori ufi qorqorata, ammo hamaani dabse balleesa.

¹¹Nami oobru qotatu sagale ind'abu, ammo nami waan woma keesa injirre gula deemu woma imbaratu.

¹²Nami hamaani woma hamtu tolchu ch'alla barbaada, ammo nami d'ugaa d'uga iraa inchochou.

¹³Ch'ubbichi afaanuma ufitini t'urura seena, ammo nami d'ugaa afaanuma ufitini waan hamtu keesaa ufi baasa.

¹⁴Nami woma jed'ufi woma tolchu gula waan maleefi argata.

¹⁵Daalleeni yo ch'ufa qaro ufi seeti, ammo qarooni gorsa ch'aqasa.

¹⁶Daalle dallansuuni yoosu iraa mullati, ammo nami woi beekhu arabale inobsa.

¹⁷Nami d'uga dubbatu dubbi jirtu d'ugeesa, ammo ka d'ara dubbatu dubbi injirre d'ugeesa.

¹⁸Dubbini herega male dubbatani akuma woraana nama woraanti, dubbini heregaani dubbatani nama fayyifti.

¹⁹D'arti yoosu dabarti, ammo d'ugaani haguma jirtu indabartu.

²⁰Nami hameenna malatu herega namaani sobu garaa keesaa qaba, ammo ka waan dansa malatu gammada argata.

²¹Wonti hamtuni nama d'ugaa inqabatu, ammo ch'ubbichi gaargala male waan d'ibi inqabu.

²²AABBO Waaqi kiyyiba jibba, ammo nama dubbi ufi guutu iraa gammada.

²³Nami woi beekhu beekha ufitini ch'allisa, ammo daalleeni afaani inqabatu.

²⁴Nami woi hojatu jabeenna argata, nami woi inhojanne tisse taha.

²⁵Yaadoni nama ijeefti, ammo dubbini dansaani nama gammachiifti.

²⁶Nami d'ugaa jaala ufi qajeelcha, ammo karaani ch'ubbicha worra balleesa.

²⁷Nami woma inguunne waan barbaadu inargatu, ammo nami jabaate hojatu woi horata.

²⁸D'ugaani kara jireennati, ammo ch'ubbuuni kara duisaati.