Read BORANA BIBLE – KITAABA WAAQA Mammaasa 13 Bible Online

Mammaasa 13 - BORANA BIBLE – KITAABA WAAQA bible

Mammaasa 13

¹Ilmi wo beekhu gorsa abba ufi d'agaya, ammo kiyyibaani wollaala ufi infud'atu.

²Nami d'ugaa jecha ufitini waan dansa argata, ammo d'artichi lola barbaada.

³Nami araba ufi qorqoratu lubbu ufi tissa, ammo nami afaani inqabne badii ufitini d'ufa.

⁴Nami woma inguunne, ato haga fed'u waan horatu barbaadele iti imbahu, ammo nami jabaate hojatu waan fed'u ch'ufa inargata.

⁵Nami d'ugaa d'ara dubbachu jibba, ammo dubbini ch'ubbicha waan ch'eera fokoti.

⁶D'ugaani nama qajeela qorqoratti, ammo ch'ubbuuni nama daba galafatti.

⁷Nami gari, ka woma inqamne, dureesa ufi tolcha, ammo ka gari, ka hori qabu, hiyyeesa ufi tolcha.

⁸Dureesi hori ufiitini lubbu ufi baasa, ammo hiyyeesa iraa wonti fuud'ani injirtu.

⁹Nami d'ugaa aka ifsaa ifsa, ammo ch'ubbichi aka ifse lilipise d'aama.

¹⁰Kiyyibi gaargala male womanu ind'ufu, ammo qaroomi gorsa iraa d'ufa.

¹¹Horini atini hojatte iti indanfiini yoosu siraa d'umata, ammo horini atini iti d'ibamte argate, sii hora.

¹²Yo wonti atini heregate si tahu didde garaati si hamaata, ammo yo wonti atini heregate si guutamte jireenna si taati.

¹³Nami gorsa fud'achu diddu gaargala ufitini d'ufa, ammo nami gorsa fud'atu eeba argata.

¹⁴Barsiisani qaroo burqa jireenna ta boola dua keesa si baaftu.

¹⁵Qalbiini dansaani saalani namaa d'ufti, ammo nami nami ind'ugeefanne kara badii keesa jira.

¹⁶Nami wo beekhu, ato woma intolchine, duratu herega, ammo daalleeni afaani inqabatu.

¹⁷Nami erga inguunne, yo ergatani d'ibaani namati d'ufa, ammo nami erga guutu wold'aqisani d'ufa.

¹⁸Nama gorsa didu hiyyumafi ch'eerati d'aqaba, ammo ka gorsa fud'atu guddinna argata.

¹⁹Waan barbaadani argachani akami dansa, ammo daalle ch'ubbu ira deebiitini guddo iti jabaati.

²⁰Nami qaroo wahelchu qaroo taha, ammo nami daalle wahelchu d'iba argata.

²¹Gaargali ch'ubbicha hordofa, ammo nami d'ugaa hormaata argata.

²²Nama dansa horini isaa akhakhowani isale ind'aqaba, ammo horini ch'ubbicha ka nama d'ugaa taha.

²³Oobru qoti inqamne, ta sila hiyyeesi qotate sagale iraa argatu, ch'ubbichi dabse qotachu d'owa.

²⁴Nami ilma ufi d'aane inqajeelchine ilma suni injaalatu, ammo nami ilma ufi jaalatu qajeelcheti gorsa.

²⁵Nami d'ugaa waan nyaate d'ugu ind'abu, ammo ch'ubbichi waan nyaate d'ugu inqabu.