Read BORANA BIBLE – KITAABA WAAQA Mammaasa 14 Bible Online

Mammaasa 14 - BORANA BIBLE – KITAABA WAAQA bible

Mammaasa 14

¹Niitiini qarooni nama qubsiifti ammo gowaani qutuma balleesiti.

²Nami qajeelani AABBO Waaqa sodaata ammo nami qajeeluma inqamne isa tufata.

³Daalleeni dubbi d'eerate harka biyyaatini ufi geeti, ammo qaroo dubbuma isati isa qorqorata.

⁴Yo qotiyo lafaani qotatu inqamne khod'oni tante duwa, ammo nami sanga lafaani qotatu qabu aka dansa mid'aani argate khod'o guuta.

⁵Nami d'ugaa yo d'ugaa yaamatani d'ara indubbatu, ammo d'artichi yo d'ugaa yaamatani d'ara ch'alla dubbata.

⁶Kiyyibaani dandae qarooma inargatu, ammo beekhani yoosu wo barata.

⁷Daalle ira fagaad'i, waan si barsiiftu inqabdu.

⁸Nami woi beekhu waan tahu beekha, tanaafi qarooma qaba, daalle daallumuma isaati isa soba.

⁹Daalleeni ch'ubbu tolchitu womatu indartu, ammo nami dansaani araarama barbaada.

¹⁰Abbumati garaa hameennaafi gammada ufile beekha, nami d'ibiini dandae waan isaa keesa imbeekhu.

¹¹Ato mani nama d'ugaa oleju ka ch'ubbicha jiga.

¹² Karaani atini qajeelumani seetu duani si d'aqa.

¹³Kobli hojja gari garaa hameennafa d'ossa, yo gammachu inqamne laalala ind'abdu.

¹⁴Ch'ubbichi waan isaa male argata, nami dansaleeni woma dansa isaa male argata.

¹⁵Daalleeni waan ch'ufa ind'ugeefati ammo nami wobeekhu ejata ufi eegata.

¹⁶Nami qarooni ufi qorqorate waan hamtu keesa buu dida, ammo daalleeni woma iyyaale arifate wo tolchiti.

¹⁷Nami miira diqa dallane waan daalleeni tolchitu tolcha; ammo nami qarooni obsuumani taa.

¹⁸Nami beekha inqamne waan daalluma isaati male argata, ammo nami beekhani, beekhuma ufi gula hubacha darata.

¹⁹Nami ch'ubbu qabu nama d'ugaa qajeela durati saalani jilbifata.

²⁰Nama d'ibi iyyaalini, hiyyeesa nami olla isaaleeni infed'u, ammo dureesi jaallowaani heddu qaba.

²¹Nami nama d'ibi tufatu nama dabaati, ammo nami hiyyeesa nahu nama eebaati.

²²Nama waan dansa hojatu biyyiti jaalate saalfatifi, ammo nami waan hamtu tolchu wollaala tolcha.

²³Hujiini hojatani ch'ufti woi namaa baati, ammo nami woma inhojanne, ufuma tae haasau inuma hiyyoomata.

²⁴Nami qarooni hojate horiti baha, ammo daalleeni daalluma ufitini hafa.

²⁵Nami d'ugaa yaamatani, yo d'uga dubbate lubbu nama baasa, ammo yo inni d'ara dubbate nama balleesa.

²⁶Nama AABBO Waaqa sodaatu isaafi ijoolleeni isaaleeni fulla iti baatu qabdi.

²⁷Sodaani AABBO Waaqa sodaatani madda jireennatini namaa d'ufti, aka akasiini nami t'urura seene indoone.

²⁸Guddinni hayyu nama inni mohatu iraa d'ufa; yo nami injirre, innileeni guddinna suni inqabu, ufuma lafati hafa.

²⁹Yo atini nama miira gudda taate atini qaroo, ammo yo atini miira diqaate ufuma daalluma te biyya garsiifta.

³⁰Nami herega dansa qabu nafale fayya qaba, ammo d'iibiini akuma d'ukuba nama nyaatte nama fit'i.

³¹Nami hiyyeesa dabsu ya Waaqa isa uume arabse, ammo nami hiyyeesaa nahu Waaqa guddisa.

³²Ch'ubbichi hameennuma ufiitini badi ufitini d'ufa, ammo nami d'uga d'uguma inni keesati buluni waan hamtu jalaa baha.

³³Nama wo beekhu herega isaa ch'ufa qaroomati keesa jira; ammo daalleeni waan qarooma tokole imbeetu.

³⁴D'ugaafi qajeelumti gosale inguddifti, ammo ch'ubbuuni gosale gurra balleesiti.

³⁵Hayyooti hojattu huji guutu jaalati, ammo nama huji inguunne iti dallanti.