Read BORANA BIBLE – KITAABA WAAQA Mammaasa 15 Bible Online

Mammaasa 15 - BORANA BIBLE – KITAABA WAAQA bible

Mammaasa 15

¹Dubbini laana dallansu qabaneesiti, ammo dubbini lolaa dallansu owifti.

²Dubbini qaroo beekha namaa darti, ammo daalleeni dubbiniti indididdi.

³AABBO Waaqi waan fulla ch'ufati tolchani inarga, inni nama dansaafi hamale waan inni tahu inarga.

⁴Jechi dansaani nama jireesa, ammo jechi hamani nama ijeesa.

⁵Daalleeni gorsa abbaa tufati, ammo ka gorsa suni fud'atu beekha qaba.

⁶Nami d'uga mana ufi keesati woi olkeyata, ammo ch'ubbicha woma inni olkeyatuti gaargalani iti d'ufa.

⁷Dubbini qaroo beekha nama ch'ufaa kenniti, ammo heregi daalle akasi intolchu.

⁸AABBO Waaqi sorio ch'ubbicha injibba, ammo kad'achaani nama d'ugaa isa gammachiifti.

⁹AABBO Waaqi kara ch'ubbicha injibba, ammo nama d'uga gula deemu injaalata.

¹⁰Yo atini waan hamtu tolchite, d'iba guddati siti d'ufa; nami qajeeluma didduleeni indua.

¹¹Gaargalafi dootileeni AABBO Waaqa durati ind'offamtu. Nami akami dandae herega ufi Waaqa d'ossa re?

¹²Kiyyibaani gorsa infud'atu, inni qaroo ira, gorsa imbarbaadu.

¹³Nami gammachu qabu inqumaada, ammo nami gammada inqamne ingolgolaa.

¹⁴Nami hubacha qabu wo barachu fed'a, ammo daalleeni daalluma ufitini teeti.

¹⁵Hiyyeesaa guyyaani ch'ufti gaargala, ammo nami gaargala inqamne guyya ch'ufa gammada qaba.

¹⁶Hiyyeesi AABBO Waaqa sodaatu dureesa gaargala qabu ira jira.

¹⁷Fulla nami woljibbu fooni dansa woliini nyaatu, nama woljaalatu ka raafu woliini nyaatuti ira jira.

¹⁸Nami miira diqa yoosu namaani wold'abani, ammo nami miira gudda nageele.

¹⁹Karaani nama laafa woma inguunne gufufi qoraati qaba, ammo ka nama qajeela waan balla, gufufi qoraatile inqabu.

²⁰Ilmi qarooni abba gammachiisa, ammo daallichi haad'a ufi tufata.

²¹Daalleeni daalluma jaalata, ammo qarooni qajeeluma keesati bula.

²²Nami mala ufi ch'alla gula deemu inuma wollaala, ammo nami mala nama heddu gula deemu, waan dansaani baha.

²³Dubbini qajeeltuni ta fulluma isiini malteefiti dubbatani akami dansa!

²⁴Nami wobeekhu kara jireenna ka gubani d'aqani gula deema, inni kara badi, ka boola duati nama geesu, gula indeemu.

²⁵AABBO Waaqi mana kiyyibaa imballeesa, ammo fulla niitiini hiyyeetini qubatu inqorqorata.

²⁶AABBO Waaqi herega hama jibba, ammo herega dansa injaalata.

²⁷Nami kara dabaatini woi horatu worra ufi balleesa, ammo nami gumbo jibbu injiraata.

²⁸Nami d'ugaa heregeti woi dubbata, ammo nami ch'ubbu herega male lafumaa kae hameenna ch'alla dubbata.

²⁹AABBO Waaqi nama ch'ubbu qabu iraa fago jira, ammo kad'acha nama d'ugaa ind'agaya.

³⁰Fuuli gammada qabu nama d'ibile ingammachiisa, oduuni dansaleeni garaa mid'aasiti.

³¹Nami gorsa fud'atu qaro taha.

³²Nami wobarachu diddu ufumaa ufiti jaalata, ammo nami gorsa fud'atu beekha darata.

³³AABBO Waaqa sodaachani qarooma daracha. Nami guddinna barbaadu ufi guddisiti lakisu male.