Read BORANA BIBLE – KITAABA WAAQA Mammaasa 16 Bible Online

Mammaasa 16 - BORANA BIBLE – KITAABA WAAQA bible

Mammaasa 16

¹Ato nami woi malatele, mali sunini Waaqumani qajeela.

²Nami kara ufi ch'ufa qajeela seha, ammo AABBO Waaqi herega nama ch'ufa imbeekha.

³Waan tolchitu ch'ufa AABBO Waaqa ira keeyad'i, duuba heregi kanke ch'ufti sii guutama.

⁴AABBO Waaqi waan mid'aase ch'ufa woumafi mid'aase, ch'ubbichale aka balleesuufi uume.

⁵AABBO Waaqi kiyyibaa ch'ufa injibba: beekha, inni worra akasi suni ch'ufa ingaargalcha.

⁶Nami Waaqa jaalate saalfatufi araarsa isa ira argata; nama AABBO Waaqa sodaatuti ch'ubbu iraa gora.

⁷Nami waan AABBO Waaqa gammachiisa ch'alla tolchu nyaapa isaale wold'aqani nagayaani woliini taani.

⁸Nami yo waan diqo kara d'ugaatini argate, nama hori heddu kara dabatini argate ira jira.

⁹Nami garaa ufitini woi herega, ammo nami kara dansaati isa qajeelchu Waaquma.

¹⁰Hayyuuni qarooma Waaqi kennefiini dubbi mura, murani isaleeni qajeeltu.

¹¹AABBO Waaqi waan woini biimani, miisanafi d'und'umale qajeeltu namaani indabsine fed'a.

¹²Hayyooti waan daba ka lafa keesati tolchani diqole inobsitu, wonti akanatiifi wonti finna hayyuuni namaani fidu jabeesa d'uga ch'alla.

¹³Hayyuuni dubbi d'ugaa fed'a, ammalle nama d'uga suni dubbatule injaalata.

¹⁴Eegi hayyuuni dallane dooti namaa inooltu, ammo qarooni sosobeti isa gammachiisa.

¹⁵Gammadi hayyu namaa jireenna, eebiti isa duumansa ganna fakaati.

¹⁶Beekhaafi qaroomi qarsifi worqi ira namaa jira.

¹⁷Karaani nami qajeelani deemu hameenna iraa gora, tanaafi kara gula deemtu laalad'i, lubbu ufi baasi.

¹⁸Ufi saaditini baditi nama geesiti, kiyyibileeni duani nama gaha.

¹⁹Nami hiyyeesi, ka ufi inguddimne, kiyyibaa hori saame qoodatu ira gooma.

²⁰Nami waan baratu jabeesu waan dansaani baha, nami AABBO Waaqa d'ugeefatuleeni eeba qaba.

²¹Qarooni beekha ufitini gurra baafata, dubbuma isaa miooftuni nama ufi gula deebisa.

²²Qaroomi nami qabu madda jireennati, ammo nami daalle wo barsiisu ufuma lafati hafa.

²³Nami wobeekhu herege dubbata, jechi worraleeni ufi gula nama deebisa.

²⁴Dubbini dansaani aka damna mioofti-miaani isii afaaniti qunt'ulofte nafa si mid'aasiti.

²⁵ Kara atini qajeela seetuti duati si geesa.

²⁶Nami beela ufi d'owa jed'e huji hojatu jabaate hojata.

²⁷Ch'ubbichi kara namaani balleesu barbaada, dubbini isaaleeni gubbde nama balleesiti.

²⁸Nami hamaani nama hamatu hama ufitini nama wolti naqe, jaallowaanile gargari baasa.

²⁹Nami d'ibaani deemu jaallowaani ufi sobe badiini iti d'ufa.

³⁰Nama ila siti qise siti ch'iniinatu eegad'i, nami suni hameenna garaa sii qaba.

³¹Nami lubbu bule arri baase nama d'ugaa ka Waaqi eebise.

³²Miira guddinni jannooma ira jira. Nami obsa gudda nama dira heddu had'e dabsatu ira jira.

³³Nami hit'a buufate waan iti deemu laala, ammo wonti ch'ufti AABBO Waaqaani, taati.