Read BORANA BIBLE – KITAABA WAAQA Mammaasa 18 Bible Online

Mammaasa 18 - BORANA BIBLE – KITAABA WAAQA bible

Mammaasa 18

¹Nami namaani woli ind'ageenne, ch'ufti ufo ufuma ch'alla jaalata. Inni waan qajeeltu biyyiti agartu ch'ufa imorma.

²Daalleeni hubachaafi hubacha d'abale woma ira inqabu, ammo aka qarooma qabu ch'alla ufi garsisu fed'a.

³Ch'eeraafi ch'ubbuuni woli wahela, nama saala inqamne ingoyeesani.

⁴Dubbini namaa madda qaroomaati, isiini qile aka baariini, ammalle qullo aka bisaani galaana.

⁵Nama wo yake ira ch'iisani nama d'uga qabu d'uga d'owitini daba.

⁶Daalle wo moromtu d'aanu malani.

⁷Daalleeni afaanuma ufitini ufi balleesite t'urura keesa ufi buufti.

⁸Hamti afaaniti guddo mioofti-tanaafi nami liqimse garaati qabata!

⁹Nami woma inguunne wahela nama wo yaku.

¹⁰AABBO Waaqi doofi jabdu nami d'ugaa d'eete iti bahu fakaata.

¹¹Ammo dureesi waan horini isaa aka naabo jabdu d'eertu marsani diraani jaarani isa baasu seha.

¹²Nama ufi inguddimne nami insaalfata, ammo nami ufi olfuud'u kara badi keesa jira.

¹³Ato woma namaani injenne qara ch'aqasi, yo akasi tahu baate, atini daalle nama tufatu.

¹⁴Yo atini fayya d'abde lubbu ufi d'ind'isite inuma doota, ammo yo d'ind'isu baate infayyita.

¹⁵Nami wo beekhu guyya ch'ufa kurfo jira aka qalbi tokooni wo baratu.

¹⁶Yo atini nama guddaani dubbachu feete, wo geesifi, akasi ch'alla dandeete dubbatani.

¹⁷Nami qara kora keesati nama himatu, waan d'ugaa qabu fakaata haga nami inni himatu kaani kae woi gaafatuti.

¹⁸Hojja nami gugurdaani lama kora keesati wold'abe, hit'aa buusani ch'allati worra gargari baasa.

¹⁹Oboleesa kanke qarqaari, inni akuma naabo jabdu diraani jaarani si qorqorata, ammo yo isani wold'abdani inni si seerate balbala ufile dura bahu si d'owa.

²⁰Nami dubbuma ufitini due yokhaani jiraata.

²¹Dubbini atini jettu si ijeefti yokhaani si jireesiti, tanaafi waan dubbi tante ira siti gad'ufa, hamtufi toltule, ch'ufa fud'ad'i.

²²Nami nad'eeni fuud'e ya waan dansa tahe, AABBO Waaqileeni ineebisaafi.

²³Hiyyeesi yo namaani dubbatu laanuma dubbata, ammo dureesa namaani lola.

²⁴Jaalani namaa hagi toko oboleesale ira namaa jirti, ammo hagi toko nama balleesiti.