Read BORANA BIBLE – KITAABA WAAQA Mammaasa 21 Bible Online

Mammaasa 21 - BORANA BIBLE – KITAABA WAAQA bible

Mammaasa 21

¹AABBO Waaqi akuma yaasuma galaana qajeelchu, herega hayyule qajeelcha.

²Nami waan tolchu ch'ufa qajeeltu seha, ammo AABBO Waaqati herega nama ch'ufaa beekha.

³AABBO Waaqi sorio atini baaftufi ira, d'ugaafi qajeeluma atini tolchitu fed'a.

⁴Ch'ubbichi ufumaa saaditifi kiyyibuma ch'alla gula deema, ammo wonti kunini ch'ufti daba.

⁵Nami mala qabu waan heddu argata, ammo nami arifate wo tolchu waan nyaate d'ugule ind'aba.

⁶Horini kara ch'ubbutini argatani imbada, ammo ato imbanne boola dua keesa si buusa.

⁷Ch'ubbichi kara d'ugaa dide hameennuma ufitini ufi balleesa.

⁸Nama wollaala qabu karaani isaleeni qajeelaniti, ammo nami woma iyyakini kara qajeela keesa jira.

⁹Fulla niiti d'ibditi nama gaargalchituni mana takati woliini galani, nama biraa bahe goseti galuti ira jira.

¹⁰Ch'ubbichi hojja ch'ufa hameenna barbaada, inni naasu nama tokole inqabu.

¹¹Hojja kiyyibaani gaargala argatu, nami woi imbeenneleeni ira wo barata. Qarooni waan barsiisani ira woi barata.

¹²Waaqi d'ugaa waan worra ch'ubbicha keesati tolchani ch'ufa beekhe, worra isaa suni balleesa.

¹³Nama boha hiyyeesa ch'aqasu dide, ato inni qarqaarsa bohele isa inch'aqasani.

¹⁴Nama siti dallanu wonti d'ossati kennanifi inch'alisiifti.

¹⁵Yo kora keesati d'ugaa dubbatani nami d'ugaa ingammada, ammo ch'ubbichi ingunguma.

¹⁶Nami kara hubachaa iraa gore, dueti boola ekherati gala.

¹⁷Nami machi jaalatu inhiyyoomata, ammalle nami daad'ifi d'ad'a jaalatu haguma jiru woma inhoratu.

¹⁸Nami ch'ubbu badi inni nama d'ibitini d'ufu fed'u ufitini d'ufa.

¹⁹Fulla niiti d'ibditi haguma jirtu teete gungumtuni wolti galani yo biraa deemani alaati galani ira jirti.

²⁰Nami woi beekhu sagale dansa olkeyata, ammo daalleeni hori ufi akuma argatuni nyaate fit'a.

²¹Nama naasufi d'uga gula deemu, lubbuuni d'eerate namileeni isaa saalfata.

²²Abbaani duula qarooni dira naabo jabduuni jaarani had'e dabsate, naabo worri d'aabatule ch'abse balleesa.

²³Yo atini d'iba keesa ufi buusuu infeene, araba ufi tissi.

²⁴Kiyyiba na garsiisi, aninileeni nama ufi saade ufi olfuud'e nama d'ibi tufatu si garsiisa.

²⁵Nami laafaani woma hojachu infeene ufuma ufi ijeesa.

²⁶Inni guyya kana ch'ufa woma d'ara ufi ch'alla tae herega, ammo nami d'ugaa woma nama ind'owatu, garaa tokooni wo namaa kenna.

²⁷Sorio worra ch'ubbuu AABBO Waaqi injibba, keesuma yo worri herega hamaani baasufa inni aka hama jibba.

²⁸Nami d'ara d'ugeesu imbada, ammo jechi nama wo hubatu imbadu.

²⁹Nami d'ugaa ufi ind'arefatu, ammo ch'ubbichi waan ch'ufa keesa ufi tolcha.

³⁰Yo AABBO Waaqi si jibbe, wonti tokoleeni ta atini qarqaarsa iraa argattu injirtu, qarooma taanaani, beekha taanaani, malalle taanaani.

³¹Nami fardaani induula, ammo ka nama dabsachiisu AABBO Waaqa.