Read BORANA BIBLE – KITAABA WAAQA Mammaasa 22 Bible Online

Mammaasa 22 - BORANA BIBLE – KITAABA WAAQA bible

Mammaasa 22

¹Gurri dansaani hori gudda ira jira, maqaani dansaani worqi yokhaani qarsile ira jira.

²Dureesafi hiyyeesale AABBUMA Waaqati uume, akanaani worri wolfakaata.

³Nami wo beekhu, yo d'iba iti d'ufu argu, duraa gora, ammo nami woi imbeenne d'iba kana keesa seene eege ufii gaaba.

⁴AABBO Waaqa sodaad'i, ufi inguddisini, duuba duroomafi saalafi jireenna argatta.

⁵Yo atini lubbu te jaalatte, gufufi qorati karaati worra ch'ubbu balleesitu iraa gori.

⁶Ijoolleeni yo atini kara qajeela barsiifte, gaafa jaartule iraa ingortu.

⁷Dureesi hiyyeesa mohata, nami nama d'ibi gati ira fuud'uleeni ya tisse isaa tahe.

⁸Nami sanyi daba fach'aase badi murata, deebie dandae nama indabsu.

⁹Nami tolaani hiyyeesa sagale ufi qoodu, eeba argata.

¹⁰Kiyyiba ufi biraa gussi, duuba moromafi woldidafi arabi deebie si ingahu.

¹¹Nama garaani isaa qulqullo, ka dubbi dansa dubbatuti, hayyuu jaala taa.

¹²AABBO Waaqi kiyyiba d'aareese akasiini d'uga jabeesa.

¹³Abeebi woma inguunne, Nyeench'ati na nyaata jed'e, worraa bahu dida.

¹⁴Afaani sharmut'a qile aka boola, nami AABBO Waaqi iti dallani keesa seena.

¹⁵Ijoolleeni ijoollumafi waan aka injirre tolchite wo yakiti, ammo wonti isi mid'aasa ule.

¹⁶Nami dureesaa hori kenne, ammo hiyyeesa dabse akasiini ufi wo horatu, eege inhiyyoomata.

¹⁷Waan qarooni jed'e isani barsiisa, ch'aqasa. Dubbi worraa barad'a,

¹⁸garaa keesa keyad'a inded'ina, nama ch'ufati haasaa.

¹⁹Anini aka isani AABBO Waaqa d'ugeefatani fed'a, tanaafi jecha qaroo kana ch'ufa amma isani barsiisa.

²⁰Anini ya jecha sodoma, ka qarooni jed'e, isanii t'aafe, ka beekhaafi gorsa dansa qabu,

²¹ammalle ka dubbi d'ugaa qajeeltu isani barsiisu. Duuba akanaani yo isani ergani, dubbi d'uga barbaada isaniini jed'ani, gartani itiini galtani.

²²Nami kuni hiyyeesa jette, indabsini; nama gaadisa kora keesati nama dubbatufi inqamne indabsini.

²³AABBO Waaqati worraa dubbate nama worra dabsule balleesa.

²⁴Nama miira diqa, ka yoosu dallanu, jaala intolfatini.

²⁵Hegeri finna worraa barate iraa deebini si d'ibdi.

²⁶Gati nama d'ibi Anati si baasa jette ufira inkayini.

²⁷Hegeri yo atini baasu dad'abde, sire teele si jalaa fuud'ani.

²⁸Seera lafa, ka ababooti teesani duri mid'aasite, indiigini.

²⁹Nama huji dansa tolchu na garsiisi, duuba aninileeni nama nama ch'ufa ira dansa, ka hayyule hojatu, si garsiisa.