Read BORANA BIBLE – KITAABA WAAQA Mammaasa 23 Bible Online

Mammaasa 23 - BORANA BIBLE – KITAABA WAAQA bible

Mammaasa 23

¹Hojja nama guddinna qabu woliini gololfatani, waan gololfatani suni aka dansa laali.

²Yo atini nama guddo wo nyaatu taate, ufi eegad'i garaa gula imbadiini.

³Sagale dansa inni sini gololchu suni sabdoofte infit'ini, hegeri inni si ilaalata fa.

⁴Daalloofte durooma barbaada jette, ufi ingaargalchini.

⁵Hegeri horini kanke koola baase aka risa barsiise yoosu sira bada.

⁶Nama woma iraa imbaane qoch'och'ama, sagale isaa inyaatini, ato inni sagale miooftu si kennele iti ind'araini.

⁷Inni ka garaa inqamne afaanini kooti nyaad'i d'ugi sini jed'a.

⁸Atini waan reefu nyaate kaani diddidde dubbi dansa reefu jetteeni taanilee gaabita.

⁹Daalle qarooma kanke ingarsiisini, hegeri si goyeese si tufata.

¹⁰Seera lafaa ka duri jaaroleeni mid'aasite indiigini, yokhaani oobru hiyyeesale ira infud'atini.

¹¹Wonti akanatiifi nami worraa kalchu AABBO Waaqa.

¹²Waan si barsiisani ch'aqasi qalbeefad'i.

¹³Sodaate ilmaani d'aanu illakisini uleeni lubbu inijeeftu.

¹⁴Yo uleeni d'aante, isuma dua ira d'owarta.

¹⁵Ilma kiyya, yo atini qaroo taate, anini guddo gammada.

¹⁶Yo atini dubbi qajeeltu dubbatu garaani kiyya inqilit'ama.

¹⁷Ch'ubbicha inhalchini, ammo hojja ch'ufa AABBO Waaqa sodaad'i.

¹⁸Yo akasi taate waan dansaati baata.

¹⁹Ilma kiyya, ch'aqasi, qalbeefad'i, kara qajeela gula deemtu jabeesi.

²⁰Nama farso d'uge machaufi nama sagale nyaate inquumne wahela intahini.

²¹Wonti akanatiifi sabdiifi nami machaauleeni inhiyyoomata. Yo wontumaani atini hojattu waan suni ch'alla taate, d'iotu ch'arqi naqata.

²²Abba si d'ale ch'aqasi, haad'a tante, ato isiini jaartele, intufatini.

²³D'uga, qarooma, baracha, qalbi, wonti kunini ch'ufti waan argachu malani, d'abu himmalle.

²⁴Abbaani nama d'ugaa ingammada, ilmi qarooni abba gammachiisa.

²⁵Abbeetifi haate gammachiisi, aka haati si d'aalte sini machooftu.

²⁶Ilma kiyya, na ch'aqasi, faana tiyya iraa ingorini.

²⁷Sharmut'afi gaarayuni, aka algala kara d'aatu ejaanjite qabde boola qile qara nama heddu balleesite keesa si buufti.

²⁹Eenuti gaaragala qaba? Eenuti laalala qaba? Eenuti guyya ch'ufa namaani woldida? Eenuti guyya ch'ufa tae gunguma? Eenuti fayyuma tana madaa? Eenu ilti diimati?

³⁰Waan kana ch'ufa nama farsoni daalle farso gosa heddu d'uguti qaba.

³¹Daad'i diimtu, ta muduunu keesaa ch'ululut'u, ta hojja atini liqimsitu si jalaa miooftu, ilaalte ind'ugini.

³²Hegeri yo d'udde boriyyaate aka waan bofi si nyaate doote ch'iifta, aka waan buutini si iddite.

³³Ilti tante waan mama agarte, qalbiini tanteeleni hubacha d'abde, waan dubbatu wollaalte bopifta.

³⁴Atini nama baariini d'awa jabdu qabu keesa hobolooni deemu, ka fiit'e utuba isiti rarau fakaata.

³⁵Atini ya na d'aanani, ammo woma intaane; ya na d'aanani, ammo quba inqabu; anini yoomi damaqa? me, farso d'ibi naa buusa, jetta.