Read BORANA BIBLE – KITAABA WAAQA Mammaasa 25 Bible Online

Mammaasa 25 - BORANA BIBLE – KITAABA WAAQA bible

Mammaasa 25

¹Kunini mammaasa d'ibi hayyuuni Solomonini mammaakhe ka jari mana hayyu Yuda, ka Hezekia jed'ani keesa hojatu, t'aafe.

²Nu Waaqa waan inni wo d'ossufi guddimna; ammo hayyoota waan isiini woi nama barsiifte namaa didufi ulfeesina.

³Nami dandae herega hayyu imbeekhu; heregi isaa nura olfago jira, akuma waaqa olfagaate yokhaani akuma d'immu bisaani gadifagaata.

⁴Qarsi bassi qulqulleesi aka tumtichi waan dansaani mid'aasu.

⁵Nama ch'ubbicha hayyuu mala d'au biraa baasi, aka finni inni nama fidu ka d'ugaa tahu.

⁶ Hojja hayyu dura ejitu kiyyibde ufi inguddisini.

⁷Fulla, Fullaani tunini ta nama guddati, armaa kai jed'ani si ch'eersani, yo ufiini si yaamani, kooti, arama dura tai sini jed'ani, ira jirti.

⁸Waan aka dansa agarte inhubatini gaadisa korati ingeesini. Yo nami d'ibiini d'ufe dubbi te d'aareese si ch'eerse maani taata?

⁹Yo namaani dubbi irati wold'abdani, ato namutu woli ingeesine, isanumaani hobaafad'a, aka nami d'ibiini wold'aba keesani suni ind'ageenne.

¹⁰Hegeri nami aka atini woma ind'ossini si arge, akasiini ch'eeri kanke diidati gabaha.

¹¹Dubbini akuma isi malte gula dubbatani akuma waan worqi iraa mid'aasani, qarsiini barreesani ch'okhani jirti.

¹²Gorsi nami wobeekhu nama isa d'agau gorsu qube worqitiifi yokhaani faaya worqi ch'uch'uluqa ira jira.

¹³Nami dansaani yo ergatani erga mid'aasu, nama isa ergatu suni akuma bisaani nama adu keesa mid'aani muru qabaneesani, nafa isaa qabaneesa.

¹⁴Nami qara, wo sii kenna jed'e, ammo eege si d'owatu dumansaafi bubbe bokaya inqamne fakaata.

¹⁵Nami obsa qabu, ka hayyu sosobu dandae isale, ato inni qara aka jaba didda qabaatele ufi gula deebisa.

¹⁶Damma mia gula nyaate ufira dabarsite indidigini, ammo haguma nyaad'i.

¹⁷Ufi eegad'i, guyya ch'ufa mana olla keetitiini imarini; hegeri inni si hifate si jibba.

¹⁸Nami waan d'araatiini nama himatu, akuma goraadeefi bokuufi t'iya qara qabdu hama.

¹⁹Nami nama d'aabu inqamne ira ufi kaye, nama ilkaani chochoatiini wonyaatu, yokhaani nama miila naafateeni lafati ejaanjata deemu, fakaata.

²⁰Nami nama garaani hamateti sirbu, nama guyya d'aamocha woya isa iraa baasu ka yokhaani soodda mada diimtuti rigu fakaata.

²¹ Yo nyaapi kanke beelaa d'eebu qabaate, beelaa d'eebu baasi.

²²Yo waan kana tolchiteefi atini ch'ile owitu mata gubbati guurte AABBO Waaqileeni si eebisa.

²³Akuma bubbeeni mirgaa bokayaani d'uftu, hamti nami nama hammaatuleeni dallansuuni d'ufti.

²⁴Fulla niiti d'ibditi nama gaargalchituni woliini galani, nama bira bahe goseti galuti ira jira.

²⁵Nami odu dansa lafa fagooti d'uftu d'agayu, nama bisaani qabanao hojja d'eebotu d'ugu fakaata.

²⁶Nami dansaani dubbi nama hama gula deebiu aka maddo t'ureesani balleesani yokhaani eela had'aa iti naqani jira.

²⁷Dammi nyaatani ufira dabarsani hama, ammalle akasuma nami aka guddo nami isa owisu fed'uleeni dansaaniti.

²⁸Yo atini dallansu inobsini, atini akuma dira naabo nyaapani ufira d'owu inqamne jirta.