Read BORANA BIBLE – KITAABA WAAQA Mammaasa 26 Bible Online

Mammaasa 26 - BORANA BIBLE – KITAABA WAAQA bible

Mammaasa 26

¹Akuma qabanti bona hagayya infakaanne, yokhaani bokeenileeni fulla mid'aani murani infakaanne, ulfinnileeni daalle infakaanne.

²Akuma buriya godaantu, yokhaani akuma worabati bariftu, abaarsi sii himmallini si inqabatu.

³Akuma farda lichooni d'aanani yokhaani gaange lugamani, daallele akasuma d'aanani uleeni qajeelchu malani.

⁴Yo nami dubbi aka injirre si gaafate, atinileeni dubbuma akasi suni deebifteefi, akuma isaa daalle taata.

⁵Nama dubbi aka injirre si gaafate, atinileeni dubbuma aka injirre deebisifi, duuba nami si gaafate sunini aka woma imbeenne ufi arga.

⁶Yo atini daalle ergatte, D'aamsa na himi jetteeni, atini akuma nama ufi gaargalche miila ufira kutu jirta.

⁷Mammaasi daalle, akuma nama miila naafate, woma imbaanefiini, deemu jira.

⁸Nami daalle guddise owise, akuma nama d'akha gullubaani darbani gulluba keesati hid'u jira.

⁹Daalleeni mammaakhu akuma nama farso d'uge machae, qorati harka keesa fud'atu, jira.

¹⁰Nami namuma argu ch'ufa, herega male, huji qoru, ufumaa gaargala seene nama sunile gaargala keesa buusa.

¹¹ Daalleeni daalluma ufiti deebiu akuma sare diddiga ufiti deebite nyaatu jira.

¹²Nama qaroo intahini, ka ammo qaroo ufi sehu, daalle raatuti ira jira.

¹³Abeebi maafi manaa imbaane? Inni nyeench'a sodaata?

¹⁴Akuma balbalti mikhikilati ejitu chochootu, akasuma abeebi sire ira buu dide tae keesati chochochoa.

¹⁵Nami gari laafe bade sagale garaati nyaatule afaani keeyachu dad'aba.

¹⁶Nami laafaani woma inguunne waan nama torba ka mala malte qabu ira wobeekhu ufi seha.

¹⁷Nami dubbi isa ingahiini keesa buu, akuma nama sare kara deemtu ch'ee gurra qabu jira.

¹⁸Nami sobe nama balleese, ammo eege, ufuma tabad'a jed'u, maraata woraana hama nama ijeesuni tabatu fakaata.

²⁰Qoraani male, ibidi ind'aama; fulla hamti injirrele wold'abi injiru.

²¹Akuma barbaadi ibidaa ch'ile bobeesu, yokhaani qoraanileeni ibida bobeesani, nami d'ibaani deemuleeni woldida owisa.

²²Dubbini nama wohamatu aka damma mioofti! Yo liqimsani isiini akami namati mioofti!

²³Dubbini soba, ta atini waan hamtu garaa qabduni d'ossitu, aka okote faara, ta ala lumut'ani mid'aasani, jirti.

²⁴Nami d'artichi afaani namati mid'aage, ammo garaa ufi keesa waan hamtu namati herega.

²⁵Dubbini isa ch'ufti dansa fakaati, ammo atini waan suni ind'ugeefatini; wonti akanatiifi garaa isaa woma hamtu ch'allati guute.

²⁶Inni hegeri hameenna ufi d'ossa, ammo nami ch'ufti waan hamtu inni tolchu inarga.

²⁷Nami boola qayyaane namaa qotu ufumaa keesa bua, ammalle nama d'akha gaara iraa ga kayule d'akhuma suniti ch'arasa.

²⁸Nama jibbani silaaftu inuma arabsani; dubbini sobaleeni badiini namati d'ufti.