Read BORANA BIBLE – KITAABA WAAQA Mammaasa 27 Bible Online

Mammaasa 27 - BORANA BIBLE – KITAABA WAAQA bible

Mammaasa 27

¹ Waan boritini koorte inkiyyibini waan jiddu tanati siti d'ufa imbeetu.

²Nami d'ibiini ato keessumale taate ha si saaduti, ammo atini ufi insaadini.

³D'ibi daalleeni namaatiini d'uftu maansafi d'akhaale ira namati ulfaata.

⁴Dallansuuni waan hamtu, waan wo balleesati, ammo d'iibiini waan hagasi iraati.

⁵Dubbini diideesani namaani gorsani jaalala d'ossa ira jirti.

⁶Yo harki nyaapa keeti si madeesele womaniti, ammo d'ungo nyaapa keeti ufira eegad'i.

⁷Nama quufa qabu dammileeni iti imiau, ammo nama beela qabu wonti had'aaleeni iti mioofti.

⁸Nami worra ufi iraa fago jiru simpirre mana isi ira fago jirtu fakaata.

⁹Qayyafi d'ad'aani urgaani nama gammachiisa, ammo gaargali qalbi si yake nagaya si d'owa.

¹⁰Jaallowaani teetifi ta abba keeti inded'ini. Yo gaargala keesa seente, oboleesa kanke ka siraa fago jiru qarqaarsa inkad'atiini; nami olla keeti ka siti aanu oboleesa kanke ka fago jiru suni ira sii jira.

¹¹Ilma kiyya atini yo qaro taate na gammachiifta. Duuba nama waan kiyya dubbatu anini yo suni waan jed'uuni qaba.

¹²Nami wo beekhu yo aka gaargali iti d'ufu argu duraa gora. Ammo nami woma imbeenne eegi keesa seene ufii gaaba.

¹³Nami aka male daallae nama fuula imbeenneni, Anati gati si baasa jed'u, hori isaa aka qabdoti iraa fuud'u malani.

¹⁴Nami ganamaani jaala ufiiti lalabe nagaya fuud'e lafaa kaasu seeruma nama isa abaare.

¹⁵Niitiini d'ibditini hojja ch'ufa lola deemtu akuma d'impu guyya rooba d'impifti.

¹⁶Nami isi ch'allisisiti iti game namuma bubbe d'owe yokhaani d'ad'a harkati naqate jigu d'owu fakaata.

¹⁷Akuma sibiili sibiila d'ibi qaru, namileeni woi wolbarsisa.

¹⁸Yo mukha oda qorqorate mid'aani isaa nyaata, ammalle nami abba isaa qorqoratuleeni gurra dansa argata.

¹⁹Akuma gaandidu namaa dandaani bisaani keesati argani, akasuma garaa ufi keesaleti nami aka jiru ufi arga.

²⁰D'araani namaa akuma boola ekhera jirti — ta haguma jirtu inguutamne.

²¹Akuma qarsifi worqi bassani ilaalani, akasuma gurra namaa hamafi tolalle laalani.

²²Ato atini daalle butuchite d'aantele daalluma isaa dandeete keesaa imbaaftu.

²³Loonifi ree tante haga dandeetu aka dansa qorqorad'i.

²⁴Wonti akanatiifi horiini waan bara tokofa d'abani. Hayyuleeni haga jiru jireenna intau.

²⁵Yo fulla atini okhaya haamteefi buuyoni d'ibiini baateeni, duuba ammalle buuyo gaara ira jirtule ch'ufa haamani.

²⁶Atini dandeete rifeensa hooliye tanteeti baddoni d'aate, beese atini ree tante gurgurraani argatele lafaani bitata.

²⁷Reeni ira hafte taani siifi worra keetifi dubra si hojatule ameesa taati.