Read BORANA BIBLE – KITAABA WAAQA Mammaasa 28 Bible Online

Mammaasa 28 - BORANA BIBLE – KITAABA WAAQA bible

Mammaasa 28

¹Ch'ubbichi ato nami ingussine ufumaani baqata, ammo nami d'ugaa janna aka nyeench'ati.

²Gochiti ch'ubbu tolchitu gaargalte, nami hedduu isi mohata. Ammo gochiti hojja nami qarooni wobeekhu mohatu, jabaate, ka injijiramne nagumaani teeti.

³Nami nama mohatu, ka hiyyeesa dabsu, bokaya tamna ka mid'aani balleesu fakaata.

⁴Nami seera gula indeemne goli ch'ubbichati. Ammo nami seera gula deemu goli isaa intahu.

⁵Nami waan hamtu tolchu d'uga imbeekhu, ammo nami AABBO Waaqa gula deemu aka dansa waan isii hubata.

⁶Hiyyeesa d'uga gula deemuti dureesa ch'ubbicha ira jira.

⁷Kaimi seera guutu nama wo beekhu, ammo gurbaani seseega gula deemu abba ufi gurra ijeesa.

⁸Nami gati namaa kenne, ammalle kara dabatani tirfi iraa fud'atu, mari marsi hori isaa nama hiyyeesa nahuti fud'ata.

⁹Yo nami seera gula deemu didu Waaqi kad'acha isaale jibbe ch'aqasule dida.

¹⁰Nami nama d'ugaa qajeela sobe waan hamtu keesa buusu, ufumaa boola keesa ufi buusa, ammo nami ch'ubbu inqamne takaa tana waan dansa d'aala.

¹¹Dureesi hojja ch'ufa qaro ufi seha, ammo hiyyeesi wobeekhu aka qaroomi isaa sunini d'ara inarga.

¹²Hojja nami d'uga guddinna lafaani fidu argatu, nami ch'ufti ingammada, ammo yo nami hamaani lafa fidu nami ch'ufti ind'okhata.

¹³Nami ch'ubbu ufi d'ossu woma inhoratu, ammo nama ch'ubbu ufi himate iraa deebiu Waaqi innahaafi.

¹⁴Ayyaana isati ka AABBO Waaqa sodaatu, ammo nami mata jabaate wodidu inuma bada.

¹⁵Yo ch'ubbichi lafa mohatu hiyyeesi waan tahu inqabu, inni akuma nyeench'a itanu yokhaani gorjama dutu jira.

¹⁶Nami daalleeni lafa mohatu nama dabse, irreeni nama bulcha, ammo nami daba didu bara heddu lafa fida.

¹⁷Nami nama ijeese booluma ufi qotachu jira; nami tokoleeni iraa ind'owiini.

¹⁸Nami d'uga gula deemu waan hamtu jalaa baha, ammo nami ch'ubbu gula deemu diirama jige bada.

¹⁹Nami oobru ufi qotatu sagale ind'abu, ammo nami waan woma imbaane gula yau inhiyyoomata.

²⁰Nami d'uga gula deemu haga jiru ch'ufa nagaya qaba. Ammo nami yoosu wohorachu fed'u, gaargala keesa seenu male intau.

²¹Nami nama filatu dansaaniti, ammo jaarsi gari gumbo diqo tokoo jed'e dubbi keesa nama ira ch'iisa.

²²Ufooni namaa yoosu wo horachu fed'a, aka hiyyumti isa qabatule imbeekatu.

²³Yo atini nama gorsite, inni eegi suni soba ira gorsa suni jaalata.

²⁴Nami, Akani ch'ubbuniti jed'e abbaafi haad'a ufi iraa wo hatu wahela nama woyakuti.

²⁵Nami ufooni waan hamtuni lafa d'ufa, ammo nami AABBO Waaqa d'ugeefatu waan guddo horata.

²⁶Nami herega ufi ch'alla gula deemu daalle, ammo ka nama qaro gula deemu waan hamtu jalaa baha.

²⁷Nami hiyyeesa wo kennu woma ind'abu, ammo ka hiyyeesa laalu didu abaarsa heddu argata.

²⁸Yo nami hamaani lafa mohatu, biyyati baqate d'okhati, ammo yo isa gargalchani nama dansaati deebie mohata.