Read BORANA BIBLE – KITAABA WAAQA Mammaasa 29 Bible Online

Mammaasa 29 - BORANA BIBLE – KITAABA WAAQA bible

Mammaasa 29

¹Nama mata jabaate gorsa fud'achu didu takaa tana imballeesani, deebie inkau.

²Hojja nami d'ugaa lafa mohatu nami ingammada, ammo yo ch'ubbichi lafa mohatu nami gaargale gunguma.

³Nami qarooma jaalatu abba ufi gammachiisa, ammo nami sharmut'a gula deemu hori ufi balleesa.

⁴Yo hayyuuni d'uga gula deemu lafti inni mohatuleni injabatti, ammo yo inni beesuma ch'alla gula deeme gumbo nama iraa fud'ate, lafuma ufi balleesa.

⁵Nami jaala ufi sobu t'urura keesa ufi buusa.

⁶Ch'ubbichi dabuma ufitini haada ufi kaya, ammo nami d'ugaa gammade ufumaa sirba.

⁷Nami dansaani hiyyeesaa dubbate aka isa dabsani dida, ammo ch'ubbichi waan suni woma ira inqabu.

⁸Nami nama d'ibi tufatu nama dira keesa jiru ch'ufa wolti naqa, ammo nami woi beekhu nagaya barbaada.

⁹Yo nami qarooni daalle himatu, daalleeni lalabe koble isa arabsa.

¹⁰Nami namuma ijeesu ch'alla barbaadu, nama d'ugaa injibba, ammo nami qajeelani nama akana kana qorqorate lubbuu baasa.

¹¹Daalleeni dallansu d'ofachu imbeetu, ammo nami wo beekhu obse ufi d'owa.

¹²Yo nami lafa mohatu dubbi d'ara ch'aqase gula deemu, worri isa jala hojatu ch'ufti nama d'araa taha.

¹³AABBO Waaqi hiyyeesafi nama isa dabsule harkaafi miila kenneefi akanaani wolfakeesa.

¹⁴Yo hayyuuni hiyyeesa d'ugaani fide, inni bara heddu lafa fida.

¹⁵Gorsaafi uleeni waan ijoolle male. Yo ijoolle akanumati lakisani isiini takaa tana haad'a ch'eersiti.

¹⁶Yo ch'ubbichi lafa mohatu, ch'ubbuti lafa ira dabra, ammo nami d'ugaa badi worra suniti d'uftu inuma arga.

¹⁷Ilma kanke gorsi, qajeelchi, duuba inni gurra siti tolche ch'eeru si d'owa.

¹⁸Gochiti gorsa Waaqa imbeenne gosa aada womatu qabduniti, ammo nami seera Waaqa guutu nama gammada qabu.

¹⁹Hojattu dubbini ch'allaani inqajeelchitu, ato dubbi tante gurraani d'ageetele gula indeemtu.

²⁰Atini nama herega male dubbatu garte? Nama akasi suni daalleti ira gooma.

²¹Yo atini nama si hojatu waan inni fed'u ch'ufa ijoollumani kenniteefi inni takaa tana si d'aala.

²²Nami miira diqa, ka yoosu dallanu, wold'abisaafi woldidaani d'ufa.

²³Kiyyibi si balleesa, ammo yo atini kiyyibu baate gurra dansa argata.

²⁴Waheli hattu ufuma balleesa, inni, ato aka abaarsa Waaqa ira argatu beekhu, d'uga dubbachu dida.

²⁵Nami waan isa ka nami d'ibiini isa duuba dubbatu sodaatu gaargala seena, ammo nami AABBO Waaqa sodaatu gaargala keesaa baha.

²⁶Nami hedduuni aka hayyuuni worra jaalatu fed'a, ammo AABBUMA Waaqa ch'alla iraa d'uga argatani.

²⁷Nami d'ugaa ch'ubbicha jibba, ch'ubbichileeni nama d'ugaa jibba.