Read BORANA BIBLE – KITAABA WAAQA Mammaasa 3 Bible Online

Mammaasa 3 - BORANA BIBLE – KITAABA WAAQA bible

Mammaasa 3

¹Ilma kiyya waan anini si barsiisu inded'ini, guyya ch'ufa waan anini siti himu qaabad'i.

²Barsiisani tiyya suni lubbu si d'eeresite, hormaatafi bultuma sii kenniti.

³Duuba jaalalaafi d'uga illakisini mormati marad'i, qalbile keesa keeyad'i.

⁴Yo atini waan kana tolchite, Waaqafi namileeni sii eebise siraa gammada.

⁵AABBO Waaqa kanke onne tante ch'ufaani d'ugeefad'i. Anini waan ch'ufa beekha jette, herega kanke gula indeemini.

⁶Waan tolchitu ch'ufa keesa AABBO Waaqa qaabad'u, duuba inni kara si qajeelcha.

⁷Anini qaro jette ufi insaadini; AABBO Waaqa ch'alla sodaad'i, waan hamtu hanqad'i.

⁸Yo atini akasi taate wonti sunini qorsa dansa sii taate fayya sii kenniti.

⁹Waan lafti tante sii baaftu dadansa ch'ufa AABBO Waaqaa baasi, akasiini isa guddisi.

¹⁰Yo akasi taate, khod'oni tante mid'aaniini guutamte, gorjooni tante ch'ufti daad'iini t'ut'ubamti.

¹¹ Ilma kiyya, hojja AABBO Waaqi si gorsu, aka dansa isa ch'aqasi, gorsa suni fud'ad'i.

¹²Akuma abbaani ilma inni jaalatu gorse qajeelchu AABBO Waaqileeni nama jaalatu gorse qajeelcha.

¹³Ayyaana isaati ka qarooma horate hubacha argatu.

¹⁴Waan kana keesa tirfi guddoti jira, ta qarsifi worqile ira jirtu.

¹⁵Qaroomi faaya d'akha ch'uch'uluqa iraa mid'aasanile ira jira. Wonti nami jaalatu ka isaani wolbira qabani injirtu.

¹⁶Qaroomi lubbu si d'eerese horifi ulfinnale sii kenna.

¹⁷Ammalle inni jireenna sii mid'aase nagaya sii kenna.

¹⁸Nami qarooma qabu gammada qaba, qaroomi suni jireenna kennafi.

¹⁹Qarooma ufitini AABBO Waaqi lafa uume hubacha ufitileeni gubba dirirse.

²⁰Qarooma isaatini inni galaana yaase, dumansaleeni bokaya roobe.

²¹Ilma kiyya, qaroomafi hubacha tante jabeesi qabad'i, gadi ind'isini.

²²Isiini jireenna sii kennite, gammada dansaani sii d'ufte, bulti dansa sii kenniti.

²³Duuba atini kara nagayaa ka gufu inqamne deemta.

²⁴Yo hiribaa deebite woma insodaattu, yo raftule indamat'u.

²⁵Atini badi hamtu, ta aka bubbe tassa ch'ubbichati d'uftu, iyyaaltu.

²⁶AABBO Waaqi si qorqorate t'urura keesa buu si d'owa.

²⁷Yo dandeetu ch'ufa, nama qarqaarsaa male ch'ufa qarqaari.

²⁸Ka woi harkaa qabdu, nama olla keeti, Bori sii kenna gadeebii, injed'ini.

²⁹Nama olla keeti ka ufiftu si d'ugeefate si d'aatuti gallu waan hamtu iti imariatini.

³⁰Nama woi saame akasiini woi argatu d'araateefi ind'ibiifatini,

³¹yokhaani isaani takaa intahini.

³²Wonti akanatiifi AABBO Waaqi nama hameenna tolchu jibbe, nama d'uga tolchu wahelfate, d'ossani woi iti hima.

³³AABBO Waaqi worra ch'ubbicha abaare, nama d'ugaa worra isa eebisa.

³⁴Inni nama nama tufatu tufate, ammo nama nama intufanne eebisa.

³⁵Nami qarooni gurra dansa argata, ammo daalleeni ch'eeruma ufiti darti.