Read BORANA BIBLE – KITAABA WAAQA Mammaasa 5 Bible Online

Mammaasa 5 - BORANA BIBLE – KITAABA WAAQA bible

Mammaasa 5

¹Ilma kiyya, ch'aqasi, beekhaafi hubacha tiyya gula deemi.

²Duuba adaba dansa horatte, dubbini teetileeni aka atini woi beetu garsiifti.

³Ato afaani niiti nama d'ibi aka damma miaani d'ugooni isiileeni aka d'ad'a jiratellee

⁴eege isiini had'aa qaraaru siti taate duani siti d'ufti.

⁵Isiini awaalati si geesite boola keesa si buufti.

⁶Isiini kara jireenna gula indeemtu, ato imbeenne iraa gorti.

⁷Ilmaani tiyya, amma na ch'aqasa, dubbi tiyya iraa ingorina.

⁸Niiti akana iraa fagaad'a balbala isiile dura imbahiina.

⁹Yo baatani gurri isani bade, ato kaimaatu harka nama naasu inqamnetini hobaatani.

¹⁰Ee, nami d'ibiini waan isani horatini ch'ufa guurate, hori keesani nami d'ibiini d'aala.

¹¹Atini yo nafi kanke d'umate dua ch'iiftu waan jettu,

¹²Anini maafi qara woi barachu jibbe gorsa nama na qajeelchule dida?

¹³Anini duri nama na barsiisu inch'aqamne yokhaani gorsa worraale ind'ageenne.

¹⁴Akami ato anini woma quba inqamne biyya keesaa gurri na bada? jetta.

¹⁵Niiti tante jabeesi, isuma ch'alla jaalad'u.

¹⁶Ijoolleeni atini nad'eeni biyya iraa d'altu woma sii imbaatu.

¹⁷Ijoolleeni atini d'alte suni si inqarqaartu, nama d'ibi qarqaarti.

¹⁸Tanaafi niiti atini fuute woliini gammada, intala fuute woliini qilit'ama —

¹⁹mid'aadu aka gugufto. Mid'aagumti isi ha si gammachiiftu; jaalalti isi ha si maraachitu.

²⁰Ilma kiyya, atini maanifi niiti nama d'ibi jaalate gula maratta? Atini mid'aaguma niiti nama d'ibi maafi halchita?

²¹Waan atini tolchitu ch'ufa AABBO Waaqi inarga, fulla atini deemtu ch'ufa inni inilaala.

²²Dabi nama hama t'urura iti tahe, ch'ubbumani isaa isa qabdi.

²³Inni waan obsa inqamneefi dua, daallumuma isaati boolati isa galcha.