Read BORANA BIBLE – KITAABA WAAQA Mammaasa 6 Bible Online

Mammaasa 6 - BORANA BIBLE – KITAABA WAAQA bible

Mammaasa 6

¹Ilma kiyya, atini namaa ejatte, gati nami d'ibiini isa iraa qabu sii baasa jetteeni?

²Atini takaa jechuma keetiini si qabani, afaanuma keetiini t'urura keesa buute?

³Yoosi ilma kiyya, atini yayu harka nama suni keesa seente, ammo aki atini keesaa baatu akana: hurrisi, gara isa deemi, kad'ad'i, naa araarami, anini waan suni baasu indandau jed'iini.

⁴Diqole hafuura baafate, yokhaani irafini,

⁵ammo akuma simpirre t'urura keesaa baate yokhaani akuma hiddini nama had'u duraa baatu duraa bahi.

⁶Nami laafaani woma inguunne ha t'ut'i iraa woi baratu.

⁷T'ut'ini hayyu inqabdu, jaallaba inqabdu, jaarsale inqabdu,

⁸ammo isiini bona sagale olkeyate rooba nyaati.

⁹Nami laafaani hiriba male woma inguunne, haga yoomi rafe hiriba kaa?

¹⁰Inni waan jed'u, Diquma harka wolti marad'e hafuura baafad'a.

¹¹Ammo ato inni rafu hiyyumti aka algala isa haati.

¹²Nami seseegi ch'ubbu male woma keesa injirre yae kiyyiba ch'alla odeesa.

¹³Ila siti qisani, harkaani si sobani,

¹⁴ka duuba ufi herega ufi keesa waan hamtu malatani nama ch'ufa woli d'absisani.

¹⁵Tanaafi badiini yoosu worrati d'ufte aka hama balleesiti.

¹⁶Waan torbati jira, ka AABBO Waaqi jibbe diqole inobsini: Millu kiyyibaa, araba d'articha harka nama woma intahini ijeesu. Garaa ch'ubbu malatu miila waan hamtuti arifatu nama guyya ch'ufa d'ara d'ugeesu nama oboleesa wolti naqu.

²⁰Ilma kiyya, waan abbe sini jed'e ch'ufa tolchi, waan haate si barsiiftele inded'ini.

²¹Dubbi worraa guyya ch'ufa qalbeefad'i, garaa keesa keeyad'i.

²²Dubbini worraa ejata si qajeelchite halkanile hiriba keesati si qorqorate, guyyale si gorsiti.

²³Wonti worri si barsiisu aka ifsa sii ifsite, gorsi worraleeni adabaafi bulti dansa sii kenna.

²⁴Gorsi suni nad'eeni hamamtu atini gula deemte iraa si d'owe, dubbi nad'eeni d'iirsa qabdu siini faraatu, jalaa si baasa.

²⁵Mid'aagumti isii sii d'araasifte, ilti isii si insobini.

²⁶Sharmut'a seera gati qit'a toko ch'allaani bira bulani, ammo nami niiti d'iirsa qabdu bira bule waan qabu ch'ufa ind'aba.

²⁷Nami ka woyya ufi ingumne dandae ibida qomati inqabata?

²⁸Nami dandae ka miili ingubanne ch'ile ibida ira indeema?

²⁹Nama niiti abba qabdu bira bule akasuma isaa lubbu. Nami akasi tahu inuma gaaragala.

³⁰Biyyiti, yo nami beela qabu sagale hate, ingoyeesitu,

³¹ammo yo isa qabani inni waan hate suni harka torba baasa, inni waan qabu ch'ufa keesaa bahu male.

³²Ammo nami niiti nama d'ibi baratu daalle, inni ufuma balleesa.

³³Isa ch'eersani, aka hama d'aanani, haga jireenna jiru gurra isaa yakani.

³⁴Waan aka hinaafa d'iira dallansiisa inargani; haaloni isiileeni inhobaatu.

³⁵Inni hori tokole infud'atu, horini guddaleeni dallansu ira ingalchu.