Read BORANA BIBLE – KITAABA WAAQA Abba herega 10 Bible Online

Abba herega 10 - BORANA BIBLE – KITAABA WAAQA bible

Abba herega 10

¹Akuma tiiteeni takachi due dulo d'ad'a qayya seene ajeesu, akasuma daallumti diqooni waan qaroomi guddaani tolche balleesiti; nami qarooni wo mid'aasa, ammo daalleeni wo yaka.

²Aada gula nami qarooni wo mid'aasa, ammo daalleeni wo yaka.

³Nama daalle, daalluma isaa keessumaani karaati woli woldaanileeni irati agarti; inni daalluma ufii beekhe ind'ofatu.

⁴Yo nami guddaani siti dallanele, suni jette huji keesa imbahini; wollaala hamale biraafa si deemani, yo atini ch'allifte obsite.

⁵Dabi toko, ka anini lafa tana keesati arge, kana — ka nami nama fidu d'ufuuni.

⁶Nama daalle guddinna kennaniifi, dureesa qanch'arsani guddinna d'owani.

⁷Anini tisse fardaani deemtu arge, ka ilmi hayyuu aka tisse miilaani lafa deemu.

⁸Nami boola qayyaane qotu ufumaa keesa bua, ka dallaa ch'absele bofaa nyaata.

⁹Nami d'akha boch'u d'akhaani madaa. Nami qoraani fallansuleeni sunumaani wo taha.

¹⁰Yo d'agara duuda qara inqamneeni nami hojate, humna guddo iti d'aba, ammo qarooni mala ind'abu.

¹¹Yo bofi ato murma iti imbaasini nama nyaate, murmi suleeni woma imbahu.

¹²Jechi nama qaro gurra dansaani d'ufa, ammo daalleeni dubbuma ufitiini ufi ijeesa.

¹³Daallumaani dubbi iti keeyate, maraatumaani buufata.

¹⁴Daalleeni dubbate inch'itu. Nami tokoleeni waan iti deemu imbeekhu, ammalle nami tokoleeni ka eegi doone waan nu taanu beekhu injiru.

¹⁵Namuma aka male daalle, ka worra ufiti galu indandeenneti hujiini ufi ijeesa.

¹⁶Arra, tunini lafa badde, ta hayyuuni isii ijoolle, ammalle ka worri isii gugurdaani diirama ch'ufa machau.

¹⁷Ammo lafti bulti qabdu lafa hayyuuni isii ufumaani dubbi qore muru, ammalle ka worri isii gugurdaani fulla malteti gololfate machau ufi d'owa.

¹⁸Yo nami laafe muyate mana ufii mid'aafachu dad'abe, maani suni d'impise iti jiga.

¹⁹Jilti nama gammachiifti, daad'ileeni nama macheesiti, ammo waan kana lachu beesa male inargatani.

²⁰Herega keesale hayyu inhamatini, ammalle dureesale sire hiribaa keesaleti inhamatini. Hegeri simpirrumafaati dubbi suni geese worra suniti hima.