Read BORANA BIBLE – KITAABA WAAQA Faaru solomoni 4 Bible Online

Faaru solomoni 4 - BORANA BIBLE – KITAABA WAAQA bible

Faaru solomoni 4

¹Bad'aaso tiyya, atini akami mid'aada! Ilti tante mid'aaduuni aka guma sadeeqa hagogo jala bibilit'i, geedini mata kanketileeni akuma laleesa gaareeni Gileadi ira gadi buraaqu tabati.

²Ilkani kanke adini ch'aami, aka hooliye rifeensa ira haadani d'iqani jirani, isaani tokoleeni hanqo inqabani, woli qit'aani bahani.

³Hid'ini tante diimtu aka afaani ch'irri, isiini akami dansa hojja atini dubbatu. Boqoni tanteleeni, hagogo keesani ch'ulut'i.

⁴Mormi kanke d'eera qajeela, aka doofi mana Daudi ammalle qunquma qulqullicha, ka faaya imu kuma toko ta aka wonte iti naqani.

⁵Guntuti kanke t'it'ilo aka gaafa hiddi ejaanju, ka lachu hiddi liike keesa d'eedu fakaatu.

⁶Anini gaara qayyafi hit'aanaa ira taa, haga qilleensi bari d'ufe lafti bariituti.

⁷Atini akami woliigalte mid'aade, bad'aaso tiyya!

⁸Gaareeni Lebanoni iraa na woliini kooti niiti tiyya Lebanoni iraa naa woliini kooti. Fiit'e gaara Amana iraa gabui kooti, gaara Senirifi Hemoni fulla nyeench'afi qeeramsi jiru.

⁹Niiti tiyya, ta anini jaalad'u, millu ila teetitiifi faayi atini mormati naqatu yayu qalbi na fuud'e.

¹⁰Jaalalti tante na gammachiifti, niiti tiyya ta anini jaalad'u, qayyi kankeleeni qayya ch'ufa ira Urgaa.

¹¹Hid'ini tante aka damma miyofti, bad'aaso tiyya; arabi kankeleeni aananifi damma nati fakaata, gaad'i kanke ch'ufti foole Lebanoni qaba.

¹²Bad'aasoni tiyya, nitiini tiyya, ta anini jaalad'u aka oobru dallaani jaarani d'ossani jirti ammalle isiini maddo

¹³mukhi d'aatuti bahu fakaati; ta abbaani jaarate hid'ate, mukeeni suni aka badda okhoku baate mid'aani dadansa baafti. Badda suni keesa qayya heddu ka maqaani beekhanini hina, nardo,

¹⁴safroni, haanch'a mukha meet'i fakaatu toko, ammalle qunch'e birresatifi yokhaani hit'aana gosa heddu ind'abani. Ammalle qumbifi hargesati achiti baha qayya urgaa d'ibi woliini.

¹⁵Oobruuni burqa bisaanitini baati, lagi bisaani ka yauleeni bale gaara Lebanoni iraa gabaafata.

¹⁶Ee, qilleensa mirga, kai kooti, qilleensa bita oobru tiyya ira bahi; lafa ch'ufa foole teetiini guuti. Jaali kiyya ha oobru ufiti d'ufe, mid'aani dadansa nyaatuti.