Read BORANA BIBLE – KITAABA WAAQA Faaru solomoni 5 Bible Online

Faaru solomoni 5 - BORANA BIBLE – KITAABA WAAQA bible

Faaru solomoni 5

¹Anini ya oobru tiyya seene, niiti tiyya bad'aaso. Anini qumbifi qayya kiyya wolti guure dammafi jiisa kinisale nyaad'e, daad'ifi aanani kiyyale d'ugu jira. Nyaad'a d'uga, worra woljaalatu, haga isani jaalalaani machooftaniti.

²Yo anini rafule, qalbini na iraftu. Jennaani jaala kiyya ka balbala d'ad'au d'agae. Balbala na duraa bani, bad'aaso tiyya, sabaliisa kiyya. Matani kiyya ya fit'esani jiid'e, rifeensi kiyyaleni ya ebeleeni ch'oolae.

³Anini woya qara baafad'e, deebie keeyad'a? Miila kiyya ka qara d'iqad'e akami t'uri keesani deema?

⁴Jaali kiyya balbala baniisa tuqe jennaani onneeni tiyya aka inni ga d'iatu beennaani na keesati chochoote.

⁵Anini balbala isa dura banaa kae, ka harki kiyya ch'ufti qayya urgaau, quba kiyya d'ad'a qayyaa ch'ubuse, balbala duraa bana qabad'e.

⁶Anini jaala kiyya balbala duraa banaani isa arti d'abe. Aka anini qara sila qonqo isa d'agau fed'e! Anini isa barbaade, ammo argu dad'abe; anini isale yamnani na jala inowaanne.

⁷Worri halkani dira eegu kaani na arginaani d'aane na d'od'oose; ka dallaa diraa eeguleni woya naraa bute.

⁸Nad'eeni Yerusalemu nati kakhad'a aka yo bad'aaso kiyya agartani aka jaalalti nalaafifte iti himtani.

⁹Atini ta nad'eeni ch'ufa ira mid'aadu, jaali kanke maaliini d'iira ch'ufa ch'aala? Wonti inni d'iira d'ibiini ira jiru ka nu siti kakhanufi maani?

¹⁰Jaali kiyya mid'aaga jaba; d'iira kuma kud'anile inch'aala.

¹¹Fuuli isaa diima qulqullicha, rifeensi isaaleeni luuch'a guraati ch'ile, aka bifa haranqeesa.

¹²Ilti isaa mimid'aadu aka sabaliisa bisaani yaa d'aatu ejaanju, ka aananiini d'iqani jirti.

¹³Boqoni isaaleeni mid'aadu, aka oobru daraarafi qayya keesati oobrani. Hid'ini isaaleeni aka liike d'ad'aani qayya urgaa ira ch'och'opu jirti.

¹⁴Harki isaaleeni aka dansa uumame, innileeni qube faaya hedduni ch'okhani itikeyata. Nafi isaaleeni qulqullicha aka ilka arba, ta d'akha faaya bubuleeni ch'okhani.

¹⁵Gudeedi isaaleeni aka utuba hilint'o, ka worqi keesa d'ad'aabani fakaata. Inni guddo qajeela, aka hind'eesa d'ed'eera gaareeni Lebanoni.

¹⁶Afaani isaaleeni quntulao. Wonti isaa ch'ufti woliigalte jaalalaani namaraachitti. Nad'eeni Yerusalemu, bad'aasoni kiyya akana jira.