Read BORANA BIBLE – KITAABA WAAQA Qarooma Solomoni 10 Bible Online

Qarooma Solomoni 10 - BORANA BIBLE – KITAABA WAAQA bible

Qarooma Solomoni 10

¹ Qaroomi abba nama ch'ufa ka qara uumani ka gaafasi inni ch'allani lafa jiru qorqorate,

²inni ch'ubbu nami sunini tolche keesa isa baase, irre isaa kenne aka inni waan lafa jira ch'ufa fidu.

³Ammo namicha ch'ubbicha tokoti jira ka qarooma dide ira gore. Inni dallansu keesa oboleesa isaa ijeese akasini ufi balleese.

⁴Maro ch'ubbu isaatifi bisaani fach'aani lafa balleesani, ammo qaroomi isi baase. Inni nama d'uga qajeela suni ka hobolo mukha lalaaftu keesa jiru kara qajeelche.

⁵Gaafa toko ka gosa ch'ufa mali worra hamani balleese, qaroomi nama toko ka d'uga qajeela arge fuula Waaqa durati daba ira gorse. Inni jabeenna inni seera Waaqatini guutu kenneefi ato inni ilma ufi jaalatele.

⁶Qarooma nama d'uga qajeela baase ka nami Waaqa imbeenne tae hobauti jiru inni ibida dira shanani balleese dura bahe.

⁷Akheekhi ch'ubbu worra arralle injira, lafti suni adaala aari keesa yau, mukeeni mid'aani haga jira imbilchaanne baafte, ammalle koobdi sooddalleeni akheekha niiti ind'ugefatini taati.

⁸Worri dira suni qarooma dide d'ugaafi d'ara gargari wollaale. Suni ch'allaniti oni worraa suni daalluma worraa nama qaabsiisa.

⁹Ammo qaroomi nama isaa, badii suni keesa baase.

¹⁰ Nami d'uga qajeelani gaafa toko oboleesi isaa iti dallanaani kae dura baqate, ammo qaroomi kara d'uga gula isa qajeelche, guddinna Waaqa isa garsiise waan qulqulloole isa beesise. Ammalle inni isa huji isaa eebise isa horsise deebanse.

¹¹Nami d'ibiini sabdae, waan inni qabuti d'arae ira fud'achu feenaani qaroomi isaa kalche isa horsise.

¹²Inni nyaapa gaade isa balleesu fed'u ira d'owe, had'iisa jabaalle dabsachiisa. Akasini inni aka Waaqa hojachaani waan ch'ufa ira nama jabeesitu hubate.

¹³ Duri nama d'uga qajeela tokoti jira ka aka tisse gurgurani lafa d'ibi geesani. Ammo qaroomi isa lakisu dide ch'ubbu keesa seenu d'owe. Gaafa isa hid'anile wahelcheefi,

¹⁴ammalle haga inni gudda tae gosa duri isa dabsite, mohatuti lakisu dide. Ammalle nama isa yake d'araani himate d'ara worra suni diidati ga baase akasini ulfinna haga jiru jireenna kenneefi.

¹⁵ Qaroomi gaafa toko gumi qulqullo wollaala inqamne, harka gosa worra dabsite keesa baase.

¹⁶Inni herega hojatu Waaqa toko seene waan mama tolche hayyoota nami sodaatuni morke.

¹⁷Ammalle inni gumi Waaqa suni d'ibi keesa baase waan huji worraati male kenneefi, godaanna worra ta mama keesa kara qajeelche. Inni guyya gaadisa worra tolche halkanile urjini ifseefi.

¹⁸Inni bisaani qile galaana diima worra taakisi,

¹⁹ammo nyaapa worra bisaani suni keesati hobae, reefa worrale afaani galaanati jissani.

²⁰Akanani worri d'uga qajeelani worra Waaqa imbeenne saamate, Ee Aabbo Waaqa worri maqa kanke qulqullo faarse, waan atini worra kalchiteefi si guddise.

²¹Qaroomi duuda dubbachise, daimalle afaani barsiise.