Read BORANA BIBLE – KITAABA WAAQA Qarooma Solomoni 11 Bible Online

Qarooma Solomoni 11 - BORANA BIBLE – KITAABA WAAQA bible

Qarooma Solomoni 11

¹ Qaroomi kara raaga qulqullootini huji worraa eebise.

²Worri lafa aloo ta gamooji ta taka nami keesa imbaini, ka yokhaani nami taka iti inqubatini, iti qubate waaro d'aabate.

³Worri nyaapa ufira d'owe, had'e dabsate.

⁴Gumiini tante d'eebote siti boonnaani, rabsu d'akha keesa bisaani kenniteefi.

⁵Gaargali worra Misiri qabate gumi tante d'iba keesa baase.

⁶Waan nyaapi sunini ilmaani gumi teeti didiqo hobaasa jed'eefi, atini madda galaana worraa ta inch'inne d'iiga tolchite lafa worra balleesita. Lafa gamooji keesati atini gumi tante d'eebuni balleesite, akasini worrileeni gaargala atini nyaapa worraa gaargalchite arga. Duuba ka worri diqole insehatini bisaani muumme inqamne kenniteefi.

⁹Gaafa worra ilaalatani kaani, ato ilaalacha suni naasu gula worra ilaalatanile, worri aka atini hojja dallantu worra ch'ubbu d'aante gaargalchitu hubata.

¹⁰Atini gumi tante akuma abbaani ilmaani ufi lalaatu laalate, akasini gorsite, ammo nyaapa worraa aka hayyu hama wollaala iti murte balleesite.

¹¹Worri guddo gaargale ato gumi teetiti d'iate yokhaani ira fago jiraatele.

¹²Laalefachaani worra iti daramte aka lama taate. Worri waan duri tae qaabate guddo bohe.

¹³Worri aka gaargali worraa waan gumi teeti ira jiraati arginaani, ee, aabbo aka hujini sunini teeti hubate.

¹⁴Worri Misiri namicha duri gagatani arra kale tuffate indidini, ammalle nami d'ugaa qajeelani taka haga worra suni ind'eebonne.

¹⁵ Ch'ubbuuni worra sobde daalluma keesa worra buufte aka worri bofafi bineensa hamama d'ibi ka beekha womati inqamne kad'ate. Maro waan kanatifi atini bineensa heddu muumme inqamneni worra balleesite,

¹⁶akasini aka nami daba tolchu, gaargala daba sunitini duu, worra barsiiftu.

¹⁷Ee, Aabbo atini jabeenna keetini lafa waan aka injire iraa uumte. Atini yo feete worra kana goorjamafi nyeench'ale iti ergite imballeesita.

¹⁸Ammalle yo feetu, bineensa nami taka inargini ka aka male nama sodaachisu, ka yo inni hafuura baafatu woni aka ibida afaani keesa baatu, ka yo itanu aari aka dumansa keesa bahu, yokhaani qaanqeeni nama sodaachiftu ila isaa keesa baatu dandeete uumta.

¹⁹Ammalle yo feete, bineensa yo nama milatu akanumati nasise nama ijeesu, dandeete uumta.

²⁰Ammo wonti atini waan suni tolchitufi injirtu. Atini yo feete worra d'uga teetini reebde, yokhaani hafuura kanke diqa tokooni d'oofte hobaafta. Ammo fulla suni atini biimite toate, ulfinna isiile laalte.

²¹Atini dandeete jabeenna kanke gudda yo feetu ch'ufa nama garsiifta, ammo nami tokoleeni ka dandae si dura eje jabeenna sunini morku injiru.

²²Si durati lafti ch'ufti guma maansa fakaati, ka diqole ulfaate misana gadi intesimne yokhaani fit'eesa diirama buyyo ira ch'opulle ingeenne.

²³Atini irre waan ch'ufaani tolchitu qabda, ammo nama ch'ufaa naate, dabaafi ch'ubbu teenna biraa nuu deemte, qoomni nu ira deebinuni nu kennite.

²⁴Atini waan jira ch'ufa jaalate waan uumte tokole intuffatu, ato sila jaalachu baate atiniyu inuumtu.

²⁵Akamini fed'i tante male woni tokoleeni teeti? Akamini isiini jiraate yo atini inuumini?

²⁶Ee Aabbo, waan ch'ufa sumati jirachise, wonti akanatiifi wonti ch'ufti keetuma, ammalle waan uumte ch'ufa injalata.