Read BORANA BIBLE – KITAABA WAAQA Qarooma Solomoni 13 Bible Online

Qarooma Solomoni 13 - BORANA BIBLE – KITAABA WAAQA bible

Qarooma Solomoni 13

¹Nami Waaqa imbeenne daalle woma imbeenne. Nami akasi sunini waan dadansa d'aatu isaa jirani inarga, ammo Waaqa imbeekhu. Worri uumama isaa la arge ammo nama worra uume inhubatu.

²Ammo worri waan sehu waaqooti lafa fiddu ibida yokhaani bubbe yokhaani urji martu yokhaani bisaani yaati yokhaani adufi urjifi jia.

³Biyyiti mid'aaguma waan kana ch'ufa arginaani gammade Waaqa seete, ammo worri sila aka wonti kunini ch'ufti abba uume qabduufi ammalle aka inni waan suni uume hubachu male, wonti akanatiifi worrafi mid'aaguma sule isumati uume.

⁴Nami jabeenna uumama kanatifi waan inni tahu iraa mama. Fulla sila uumama suni ira aka nami worra uume worra ira irree qabu barachu malani.

⁵Nami hojja sila balinafi guddinnaafi mid'aaguma uumama argu inni hojuma suni Waaqa ka waan kana ch'ufa uume waan isaa barata.

⁶Ammo taatule worri kunini wollaala gudda inqabu. Hegeri worri indad'abe male Waaqa argu ya fed'e.

⁷Worri waan Waaqi uume jiddu taefi halkani guyya ilaani arga. Duuba eege mid'aagumti waan kana worra sobde worri Waaqa seha.

⁸Ammo taatule wonti worri halatu injirtu.

⁹Yo worri qalbi uumamani hubatu qabate worri maafi taka Waaqa abba waan ch'ufa argu dad'abe?

¹⁰ Nami nama ch'ufa ira gargala qabu nama waan lubbu inqabne d'abatu, ka waan harkaani boch'ani kad'atu — akheekha bineensa ka qarsifi worqi iraa hogeeyyini mid'aasite yokhaani d'akhaaye woma keesa injire ta nami duri mid'aase.

¹¹Ogesii mid'aaga mukha mure qunch'e ira baase duuba hogumaani boch'e waan mid'aadu woini tolfatani mid'aasa.

¹²Inni duuba damele ira ch'ire taani guure qorani tolfate sagaleeni d'aabate nyaate quufe.

¹³Duuba damele ira hafte suni keesa toko hamtu dandaani womani intolfanne ta momokofi kolkole qabdu fuud'e hojja qoomni qabu ch'ufa boch'e waan nama fakaata,

¹⁴yokhaani waan bineensa woma keesa injire fakaata mid'aasa. Duuba hallu dibe aabo d'owe mid'aase.

¹⁵Jennaani mani isa keesa fulla dansa iti fannisani mid'aase sibiilati fannisa.

¹⁶Inni aka dansa aka isiini inqarine oli kaau male. Wonti akanatiifi inni aka isiini akheekha mukha ka ufiftu qarqaarsa nama male woma keesa injire imbeekhu.

¹⁷Ammo inni yo waan lubbu inqabne tae waan halkumatifi hormaata kad'atu inch'eeru.

¹⁸Inni waan woma keesa injire na fayyisi jed'e kad'ata, waan dueeni na jireesi jed'e kad'ata, waan argaa d'ageeti inqamneni na qarqaari jed'e kad'ata, ammalle waan miila inqamneni imaltu nagaya na deemsisi jed'e kad'ata.

¹⁹Waan harki isii irre womatu inqamneni dilaalafi huji harka kiyya ch'ufa eebisi jed'e kad'ata.