Read BORANA BIBLE – KITAABA WAAQA Qarooma Solomoni 14 Bible Online

Qarooma Solomoni 14 - BORANA BIBLE – KITAABA WAAQA bible

Qarooma Solomoni 14

¹Akasuma nami baariini d'awa qabu keesa hobolooni deemu, fed'u, hojja tae jirma mukha qarqaarsa kad'atu ka ufiftu jirmi sunini hobolo inni amma yabachu fed'u ingeenne.

²Nami hobolo aka tirfi ira argatufi mid'aasa, nami d'ibileeni hoguma ufitini jaara.

³Ammo Ee, Aabbo nami isii qorqorate qajeelche, d'awa galaana keesa nagayaani deemsisu siuma.

⁴Nami ato hoguma qabaachule baate hobolooni bisaani keesa indeema, wonti akanatiifi siti qarqaare gaargala keesa baasa.

⁵Fed'i tantetini nami waan atini qarooma keetini uumte ch'ufa woini tolcha. Akanani nami dandae hobolo seene baariini taake gama d'ibiti dabra, wonti akanatiifi worri aka jirmi mukha suni lubbu worra baasu abdata.

⁶Wonti kunini waan duri bara jari gugurdaani ded'eerani kikiyyibaani gaafa hobauti jiru tahe. Gaafasi qarqaarsa kankeetini nami hobolo keesati bahe, akasini d'alooti d'ibiini worra ira bahe lafa gubbati hafe.

⁷Hobolooni mukhaani mid'aasani ta nama d'ugaa qajeela ka Nuhu jed'ani baafte eeba qabdi,

⁸Ammo wonti harkaani boch'ani waaqa jed'ani kad'atani ch'ufti abaarsa qabdi. Nami isii mid'aaseleni abaarsa qaba, wonti akanatiifi inni waan hobaa kana mid'aase waaqa jed'e kad'ata.

⁹Worra Waaqa imbeennefi waan Waaqi infeene ka worri mid'aasu suni waaqi akamu taka jibba.

¹⁰Ammalle inni worrafi waan worri mid'aase ch'ufa ingaargalcha.

¹¹Duuba tanaafi Waaqi waan hamtu harkaani boch'ani kad'atani suni balleesa; wonti inni balleesufi isiini ato waan Waaqi uume ira mid'aasanile waan hamtu, lubbu nama daalle t'urura keesa buuftu.

¹²Hujini sharmut'oma gaafa waan harkaani boch'ani kad'atani gabaasani lafa d'ufte. Wonti kunini haguma gaafa isi mid'aasaniti asi jireenna nama yakite aka ira gorsite.

¹³Wonti harkaani boch'ani kunini durile injirtu, ammalle haga jiru jireennale inteetu.

¹⁴Kiyyiba namati isi laafani d'ufe taanifi aka isii hurre lafa keesa balleesani ya heregani.

¹⁵Gaafa toko nama toko daimi isaa ato inni insehatini doonaani aka male laalefate bohe. Jennaani inni akheekha daima tasa isa bira deeme suni mid'aafate. Inni daima due suni waaqa tolche ulfeese. Aadafi tolcha d'ossaani tolchani nama inni fiduti dabarse.

¹⁶Duuba arti asi aadani hamtuni suni irre horate lafa qabate, eege seera taate, dubbi nama lafa fidu gula waan harkaani boch'ani suni kad'atani.

¹⁷Gaafa biyyiti nama worra fidu fagaate, akasini iti d'iate guddisu dad'abde. Ka sila iti d'iate ulfeesu feetu, worri aka inni jiru herege fakeenna isaa mid'aasa.

¹⁸Duuba akanani hogeeyyini fakeenna kana mid'aasite, kad'acha waan harkaani mid'aasani suni lafa ch'ufaani qabate worri hayyu imbeenneleni d'ugefate kad'ate.

¹⁹Hogeesi yo hayyu gammachiisu fed'u, hoguma ufitini fakeenna hayyu ira mid'aagu mid'aasa.

²⁰Duuba nami hoguma suni arginaani maache, nama qara ulfeesani kaani deebiani aka waaqa kad'atani.

²¹Akanani hujini tunini ch'ufti t'urura hama namaa taate; wonti akanatiifi nami gaargali qabate bohu ka yokhaani hayyu sodaate jalati bulu d'akha fuud'e, yokhaani mukha fuud'e, ulfinna sila Waaqi d'ugaa argachu male waan sunii keenna.

²²Akanani hujini suni duruma deemte, nami Waaqa ch'alla iwolaalle, ammo woli had'e wolballeese, maro woma imbeennefi finna akasi sunini nagaya jed'a.

²³Worri aada worraa hamtu suni keesati ilmaani worraa fit'e, tolcha d'ossaa tolfate, farso d'ugaani huji sharmut'oma tolchani wolballeesani.

²⁴Worri akasini jireenna ufitifi fuud'a ufile t'ureesa. Nami kara maltetini woli ijeese yokhaani nad'eeni woli barate garaa woliyaka.

²⁵Wonti ch'ufti ya aka ira gorte; nami woli ijeese, wolsaame, wolsobe woldabse, wold'ugeefata d'abe, wolballeese, d'ara wolti dubbate,

²⁶nama woma iyakini gaargalche, galata wold'owe, aada balleese, d'iirti nad'eeni lakifte wolti d'aarate nami ch'ufti nad'eeni ufi jalaa yaase, nad'eeni woli baratani aada sharmut'oma gula yaani.

²⁷Kad'achaani waan harkaani boch'ani kad'atani ta maqa isiile nami d'au himmalini tanati hameenna ch'ufa lafaani d'ufe uumamafi muummeeni waan hamtu isuma.

²⁸Nami waan suni kad'atu ufi d'owu dad'abe waach'ife, waan d'ara fage, ch'ubbu gula fidame, ka inrinch'ich'ine kakhu ufi guutu didu.

²⁹Worri waan lubbu inqamne ka harkaani boch'ani kana d'ugefate, ammalle waan d'araa maqa isiitini kakhate, wonti akanatiifi worri aka wonti sunini woma worra intolchine imbeekha.

³⁰Ammo kara lamaani eege gaargali worra suni d'aqaba: ka qara worri waaqa lakise waan harkaani boch'ani kad'ate akasini wollaala tolche. Ka lameeso worri qulqulluma diqole womatu indaru tanaafi, d'ara dubbate nama soba.

³¹Yo nami qajeela intahini daba tolchu, isa gaargalchani wo tolchani; wonti isa gaargalcha irre waan harkaani boch'ani ka inni kakhateeni kaniniti ammo waan ch'ubbichi ch'ufti argatuni, isa gaargalchani.