Read BORANA BIBLE – KITAABA WAAQA Qarooma Solomoni 15 Bible Online

Qarooma Solomoni 15 - BORANA BIBLE – KITAABA WAAQA bible

Qarooma Solomoni 15

¹Ammo Waaqa keenna, atini arjaa d'ugaafi obsa qabda. Atini lafa ch'ufa naasuni fidda.

²Yo ch'ubbu tolchinele jabeenna ke imbeenna ammalle nu keetuma, ammo waan nu aka nama keeti ufi beennufi ch'ubbu tolchu dinna.

³Nami si beekhu nama d'ugaa qajeela taha. Nama jabeenna ke beekhu jireenna jiru qaba.

⁴Nu taka wonti hamtuni hogeesi harkaani mid'aasefi, wonti woma keesa injire ta hogeeyyini hallu dibdeefi, wonti harkaani boch'ani ta barru bifa hedduutini ch'okhani kara ira ingorsine.

⁵Daalleeni yo waan suni argu d'araafi waan lubbu inqamne suni jaalata.

⁶Nami akheekha akasi suni mid'aase, yokhaani d'araefi yokhaani kad'atu, waan hamtu jaalata, hojja inni waan suni d'aabatu waan isaa malte argata.

⁷Nami faara kuuchu d'oqe laaftu d'ae. Laanuma woi nuu mid'aasa, waan inni nu mid'aasu suni ka gari huji dansaani tolchani ka gari akanumati lakisani, ammo inni ch'ufa d'oquma taka iraa mid'aasa. Ammalle ch'ufa karuma sunini d'aa. Isumati waan fed'u mid'aase, waan sunile waan tolchuni beekha.

⁸Innileeni namuma ka ufiftu d'iuma biyye iraa mid'aasani ammalle d'iotu yo lubbu qara ergisanifi taani iraa fuud'ani biyyuma taaniti deebia. Inni namuma ammo huji ufi balleesi biyye okote faara mid'aafate taani iraa waaqa woma keesa injire mid'aafate.

⁹Guyyaani isaa gabaaba inni yoosu dua, ammo inni waan suni womatu indaru. Inni worruma qarsifi worqifi sibiila diimani wo tumuni morke waan worri mid'aasu kaani mid'aasa. Ammo inni woma d'ara ka woma keesa injire mid'aase sunini ufi khoorsa.

¹⁰Onneeni isaa daara, d'aabuni isaaleeni biyyeele ingeetu. Jireenni isaa biyye faara ta anini mid'aasele ingau,

¹¹wonti akanatiifi inni Waaqa ka isa mid'aase, hafuura iti afuufe lubbu kenneefi jireese imbeekhu.

¹²Inni lubbu nama, woma aka taba seha, yokhaani woma aka gabaya ka inni wo gugure tirfi keesa argatu seha. Ammalle aka isaati, inni ato kara dabaale taate beese horachu fed'a.

¹³Nami kunini ka waan harkaani mid'aasani kad'atanifi okote faara lalaaftule biyyuma taka iraa mid'aasa, daba ufi nama ch'ufa ira beekha.

¹⁴Ammo ee Aabbo Waaqa nami nama ch'ufa ira daalle ka ijoollele ingeenne, nyaapa nama kanke dabsu.

¹⁵Worri waan harkaani boch'ani mid'aasani kaani ch'ufa Waaqa seha, ato isiini ila qabate womale argu baate, funnaani qabate womale suufu baate, gurrale qabate womale d'agayu baate, harka qabate woma qabaachule baate yokhaani miila qabate deemu baatelle.

¹⁶Waan suni ch'ufa namuma toko ka lubbu ufi ergifateti mid'aase. Nami tokoleeni dandae waaqa namaani woli qit'e imid'aasu.

¹⁷Turi d'iad'i nami ch'ufti inuma dua ammo wonti inni harka ufi ch'ubbicha sunini mid'aase aguma d'alateyu dootu, waan inni kad'ate suni ufiftu isati ira jira. Akuma taatu tatu inni lubbu qaba ammo wonti inni kad'atu suni lubbu inqabdu takuma inhoranne.

¹⁸Worri akasi suni bineensa bineensa ch'ufa ira hama ka ammalle aka daba daalle kad'ata.

¹⁹Ato bineensale taate inni diqole mid'aaguma nami fed'uni inqabu. Waaqileeni gaafa uumama ka bineensa kaani ch'ufa eebise isi d'aatu bahe.