Read BORANA BIBLE – KITAABA WAAQA Qarooma Solomoni 16 Bible Online

Qarooma Solomoni 16 - BORANA BIBLE – KITAABA WAAQA bible

Qarooma Solomoni 16

¹Akanaafu duuba aki bineensi sunini worra suni gaargalche, waan guddo worraa male, worra gaafasi tuuta bineensa suni ta muumme inqamneti gaargalche.

² Ammo Ee Aabbo Waaqa atini gumi tante kara sunini ingaargalchine, fulla suni worraa naate, simpirre ergite akasini sagale dadansa worri nyaatu kenniteefi beeli baafte.

³Wonti atini waan suni ch'ufa tolchitefi aka worri waan harkaani boch'ani kad'atu, hojja beelaule maro bineensa hama akasi suni iti erganifi dandae inyaanne. Ammo taatule gumiini tante haguma diqa toko beelofte sagale dansa nyaate.

⁴Aki worri gumi tante dabse suni gaargala inhobaane argatu waan worraa male, ka gumiini tante aka nyaapa suni gaargalchani agartu.

⁵ Gaafa bofi hamamani had'a qabu gumi tante nyaate fitt'e, atini worra ch'ufa inhobaamne yoosu dallansu galfate.

⁶Gaargali kunini gorsuma hagu inteenne yoosu dabre. Jennaani atini akheekha nama fayyisanini bofa sibiila diimaa mid'aasite, aka akasini waan seeri kanke nama ira fed'u nama qabsiisani.

⁷Yo nami bofi nyaate akheekha suni laale fayye, inni waan akheekha suni laalefi infayine ammo si ka nama ch'ufa baasuni fayye.

⁸Kara kanaani atini nyaapa keennale ufi gula galchite aka atini nama gargala ch'ufa keesa nama baasu dandeetu, garsiifte.

⁹Nyaapa keenna awanisafi tiiteti nyaate balleese; kara worraani fayyisani ind'abani wonti akanatiifi aki bineensi sunini worra hobaasu waan worraa male.

¹⁰Ammo bofi hamani had'a qabuleni gumi tante dabsachu dad'abe, wonti akanatiifi ati worra naate qarqaarte fayyifte.

¹¹Wonti bofi gaafasi worra nyaatefi aka akasini worri seera kanke qaabatu, ammalle wonti worra yoosu bineensa suni jaala baasanifi, aka worri haga jiru ded'e naasu tante ufi ind'oware.

¹²Hiddi qorsa tokoleeni ka worra fayyisu injiru ammo ee Aabbo Waaqa wonti worra fayyise dubbuma tante ta nama ch'ufa fayyiftu.

¹³Atini duafi jireennale irree iti qabda; atini nama boola dua afaanini geete ammalle kaafta.

¹⁴Nami hamani dandae nama inijeesa ammo dandae ka due inkasu yokhaani lubbu boola dua keesati hid'anile dandae keesa imbaasu.

¹⁵Nami tokoleeni ka dandae si baqate wo dura bahu injiru.

¹⁶Me worra Waaqa imbeenne suni ilaali, worri aka atini Waaqa ee jechu dida tanaafi irre tante guddooni gaargalchite. Worra bubbe jabdufi boka d'akhaani roobufi ibidati daara baase.

¹⁷Wonti waan suni ch'ufa ira guddo nama mamsisa ibida ka duri bisaani d'aanfaniti bisaani keesati nama balleese. Jabeenni uumama ch'ufti worra d'uga qajeelaa kalche.

¹⁸Hojja toko bobai ibida diqo d'aame, aka akasini inni bineensa worra Waaqa imbeenne kaaniti ergani gaargalchani kaani imballeesine, worri suni aka gaargali worra qabate hubachu male.

¹⁹Hojja d'ibi bobai ibida ka bisaani marsani haga ibidi duri bobaule ira aka taka inargini bobae akasini mid'aani lafa worri ch'ubbu keesa tau kaani balleese.

²⁰ Gaargali kunini gumi tante inqabanne. Ammo atini fulla suni sagale malaikaani nyaatu worraa kennite. Atini gubbaa qit'a ergiteefi worri sagale inhojatinifi akasini argate nyaate. Ammalle sagaleeni atini worra ergite suni ato miyofte bushoftele nama ch'ufa ingammachifti.

²¹Wonti kuni ch'ufti aka atini ijoolle tante guddo jaalatu garsiifti. Sagale suni nama nyaate ch'ufa beela baafte qufsite; nama nyaate ch'ufati imiyofte.

²²Isiini sila sagaluma aka d'ad'afi hanch'a bat'e badu ammo, amma ibida keesaleti imbanne. Wonti woni kunini gumi tante barsiiftu, aka ibidi amma sagale tana bassu dide kunini duri mid'aani nyaapa isaani

²³bokaya tamna d'akhaani roobu keesati balleese, aka gumiini tante ta d'uga qajeeltuni sagale argatu.

²⁴Wonti atini uumte ch'ufti sii saalfati, uumami ch'ufti irre ufitini worra ch'ubbu gaargalcha ammo inni nama si abdatu ch'ufa irre ufi ingarsiisu innahafi.

²⁵Uumami aka heddu kuni ch'ufti aka nama si kad'atu fidu nama garsiisa.

²⁶Wonti woni kuni taatefi Ee Aabbo Waaqa aka gumiini atini jaalatu tunini sagale oobratu male dandeete sagale d'ibi nyaatu, wonti nama si d'ugefatu sagalele ira fida dubbi teeti.

²⁷Sagaleeni ibidi imballeesini, hojja aduuni baate owiftu bat'e.

²⁸Wonti woni kunini nu barsiiftu, aka ato lafti imbariinu kaane hojja biiftuni baatu si kad'annu.

²⁹Ammo abdini nama galata imbeenne aka d'ad'a bat'e, akuma bisaani ufuma ch'iisati fooqate.