Read BORANA BIBLE – KITAABA WAAQA Qarooma Solomoni 18 Bible Online

Qarooma Solomoni 18 - BORANA BIBLE – KITAABA WAAQA bible

Qarooma Solomoni 18

¹ Haga kana ch'ufa gumiini tante qulqullooni ifsa guddo qabdi. Nyaapi worraa dudubi worraa d'agaya ammo worra inargu. Worri guddo gumi tante ta gaargala inqamne tana halcha.

²Nyaapi sunini waan worri worri dabse, haalo worra fuud'u dideefi sila galata deebisu male, tanaafi nura godaana jed'anini.

³Jennaani atini gumi tante gaafa isiini lafa imbeenne keesa godaante goola ibidatini dura deemte, gooli ibida sunini worra woma intolchine, akuma ifsa adu ifseefi worri nagayaani godaane.

⁴Ammo nyaapi worra ka ifsa suni argu d'owani sila nama dukana keesati hid'aani tau male, wonti akanatiifi worri qara gumi tante dabse tisse tolfate, gad'iisu dide. Ammalle ifsa Seeri Waaqa namaa kennu ka ind'umanne, gumi teetini taka tana lafa ch'ufa kennani.

⁵Gaafa nyaapi kanke mala d'aate ijoolle gumi tante qulqullo ch'ufa fit'u fed'e, gurba tokoti jira ka gaafasi lafa buusani, ammo eege nami fud'ate lubbu baase. Duuba atinileeni nyaapa kanke gaargalchite ilmaani worra heddu hobaafte. Ammalle atini askarti worra ch'ufa bisaani keesati hobaafte.

⁶Ammo ababoota teenna waan halkani suni taha durati iti himani, aka worri kakhu tante gula gammade garaa jabaatu.

⁷Gumiini tante aka atini gosa d'ugaa qajeeltu baafte nyaapa isaani balleesitu imbeeti.

⁸Woma takaani nyaapa suni gaargalchite ammo nu ufiti yaamte guddinna nu kennite.

⁹Haga kana ch'ufa ijoolleeni qulqullooni gumi Waaqa d'ossaani sorio sii baafte, aka seera Waaqa garaa tokooni guute ammalle gammadafi gaargale wolti obsitu, wolti kakhate. Haga kana faaru duri ababooti worra sini faarsitu d'aachu inlakimne.

¹⁰Boha nyaapi worra ijoolle isaani ta raawatu bohu hoga isii fulla ch'ufati d'agayani.

¹¹Tissefi abbootilleni gaargala aka taka argate; hayyufi nami inni fiduleeni akuma taka ilma d'abe.

¹²Nami hobae reefi lafa ira dabre nami diqaani hafe suni worra awaallu dad'abe. Maruma tokotu ilmaani worraa ta worri guddo jaalatu raawate, isiini ch'ufti karuma takaani raawate.

¹³Worri kunini gosa tokole d'agayu dide, ammo fulla suni irre ufi ta falfala d'aabate. Ammo worri ilmaani worra ta angafa hobaasani jennaani aka worri Israeli ilmaani Waaqa hubate.

¹⁴Halkani qariaani lafti ch'aqali jette,

¹⁵jennaani maruma toko jechi kanke guutame, dubbini tante ta jabeenna qabdu gubba fulla barch'uma ke ka hayyumati gadi buute, lafa badiini d'aqabde suniti d'ufte isiini akuma nama askarti ka lola kurfeefatu,

¹⁶woraana ufitini jecha kanke guuta deemu, ka miili isaa lafati eje matani isaa Waaqati eje lafa tana ch'ufa reefani guutu ga d'ufte.

¹⁷Hojuma suni nami diquma induini, oobju hamamtu oobjate sodaani mudame hollate.

¹⁸Lafa suni irati nami diquma lubbuuni keesa imbaini waan hobauti jiruufi namati hime.

¹⁹Worri waan hobauti jiruufi imbeekha, wonti akanatiifi oobju hamtu taani keesati arge.

²⁰ Dooti gosa d'uga qajeeltuleeti d'ufte; gaafa ch'iisi d'ukuba hamani lafa aloo ta gamooji keesati worra d'aqabe; ammo atini dallansu tante yoosu galfate.

²¹Nama toko ka ch'ubbu inqamneti jira ka yoosu hurise worra Israeli qarqaare. Qaallicha worra ka Haruni jed'ani, hit'aana aarse Waaqa kad'ate, aka daba worraa araaramanifi. Kad'achaafi hit'aani woraana isaani taate, akasini dallansu tante ta sila worra balleesitu jaala baase, akasini aka inni hojatu teeti garsiise.

²²Inni dallansu tante irree ufitifi yokhaani ta woraanatini indabsanne ammo kakhu atini duri ababoota worraati kakhate d'aabate, akasini dallansu tante kara kad'achaa sunini dabsate.

²³Reefi wolti tuulame ufuma ch'iisa, ammo inni gad'ufe dallansu tante worra ira d'owe aka isiini nama hafe woma intolchine tolche.

²⁴Inni woya d'eertu fakeenna lafafi gubba irati barreesani keeyate. Inni aka maqa ababoota teenna guddisu, d'akha barreesani ch'okhani dachaa afuri ch'orose qoma irati hod'ate. Ammalle guddinna keetile inni ruufa mata ira qabuuni garsiise.

²⁵Malaikaani nama hobaaftu taani waan kana ch'ufa sodaate, waan sila nama tolchu feetu kaani lakifte. Dallansu tante diqo suni arginaani worri guddo gaabe.