Read BORANA BIBLE – KITAABA WAAQA Qarooma Solomoni 19 Bible Online

Qarooma Solomoni 19 - BORANA BIBLE – KITAABA WAAQA bible

Qarooma Solomoni 19

¹Ammo worri Waaqa imbeenne dallansu tante ta naasu inqamne ne haga jiru ch'ufa argate. Atini waan worri tau fed'u ch'ufa ato worri intolchine beeta.

²Atini imbeeta aka ato worri yoosu gumi tante gad'iise yaa jed'eenilee, herega ufi gargalfate reebu.

³Worri Misiri ato fulla ireesa ilmaani worraa ta raawate ch'iise bohu, waan wonti kunini taatefi ch'ufa ded'e, daalluma ufi keesa, aka worri worri gadi d'iise suni nama baqatu herege. Tanaafi hordofani reebani. Waan kana ch'ufa gaargala worri argachu maleti itini d'ufe. Aka akasini worri gaargala worra ka hafele argatu.

⁵Worri aka mama hobae, ka gumiini tante godaanna mama taani godaantu.

⁶Uumama ch'ufa jecha keetini jijirte, akasini gumi tante gaargalu d'owarte.

⁷Worri bulto ufi gubbati baaldo dumansa arge, fulla duri bisaani qabdu lafa godu arge. Ammalle diida marra qabuti galaana diima ka d'awa qabu jidduu mullate, kara worri taakuuni worraa tahe.

⁸Gumiini tante ta atini qorqoratu ch'ufti waan mama ka atini tolchite kana agarte.

⁹Taakite worri aka farda bobaasani buraqe, aka ilmaani hoola kukurupate, maro atini worra baafteefi si faarse ee, Aabbo Waaqa.

¹⁰Ammalle worri finna worraa ka gaafa worri tisse kaani qaabate aka lafa gaafasi looni keesaa d'abani biinini ch'allani guute, galaana qurt'umi keesa d'abani raachi guute.

¹¹Eege worri sagale dansa feenaani, simpirreeni gara bisaaniti gadi baafate, worra beela baafte, simpirre akasi suni worri taka ingarre.

¹³Ammo mandisuni jabduni d'ufte, gaargala worra ch'ubbu kanati d'ufe beesifte. Worri maro ch'ubbu worratifi gaargala worraa male argata. Gochiti tokoleeni ta aka worraa kana keessuma jibbitu injirtu.

¹⁴Gosa d'ibiini aka worri keessuma lafa worra d'uftu bulchu didu beekhaani, ammo gochiti tunini keessuma worraa ta worra naatu, tisse tolfate.

¹⁵Gosa keessuma imbulchine ch'ufa ingaargalchani,

¹⁶ammo worri kunini qara keessuma gammadaani bulche, akuma ufiti herege ammo eege iti gargale nyaapa iti tae dabse.

¹⁷Worri kunini akuma jari sodoma ka balbala mana namichi d'ugaa qajeela Lutu jed'aniti d'ufnaani ila d'owani, akasuma ila d'owani balla tolchani. Worri dukana keesati ufi arge, namu jinjimate balbala barbaada.

¹⁸Haadi kirari ch'ufti qonqo ufi qaba, ammo qonqoni suni ch'ufti yo wolti darani sirba aka aka taati. Gaafasi akuma suni taati wonti aka aka yo wolti d'araani waan haraa taati, me waan tae suni laali!

¹⁹Bineensi lafa goduti galu, bisaaniti gale, ka bisaaniti. Galu, lafa goduti gala.

²⁰Ibidi nami d'aanfu indandeenne bisaani keesa bobae.

²¹Ammo tatule ibidi suni bineensa sila gube hobaasu tokole ingubu. Ammalle ibidi suni sagale gubba d'ufte ta sila aka haanch'a bat'u, bassu dad'abe.

²²Ee Aabbo Waaqa atini yayu gumi tante kara ch'ufaani guddifte ulfeesite, atini worra taka inilakimne ammo hojja ch'ufa fulla ch'ufati worra qarqaarte.