Read BORANA BIBLE – KITAABA WAAQA Qarooma Solomoni 2 Bible Online

Qarooma Solomoni 2 - BORANA BIBLE – KITAABA WAAQA bible

Qarooma Solomoni 2

¹Ch'ubbichi yo dubbi akana tana jed'u d'ara dubbata. Inni waan jed'u, Jireenni namaa lafa tana irati gabaaba, suleeni gaargala qaba, yo muummeni isaa geete duraa baitini injirtu. Nami taka due fulla ekhera tae gadi deebie tokoleeni injiru.

²Nu qarale kama insehatini akanumati d'alanne, yo lafa tana ira doonule akuma nama taka ind'alatini kaani jira. Hafuuri keenna seeruma bukeesa aarati. Qalbini teennaleeni d'ikeesa onne ira injirtu,

³yo d'ikeesi sunini ch'ite nafi keenna daara tae hafuuri keennaleeni qilleensa tae bada.

⁴Taka tana nami tokoleeni waan nu tolchine inqaabatu maqa keennale inded'ani. Jireenni keenna akuma waari dumansa dabre akuma hurrini yo aduuni baatu badu bada.

⁵Jireenni keenna lafa tana irati akuma gaandidu dabra. Nami dandae dua baqatu injiru. Guyyaani nama dabarsa inqabu, nami dandae bulti tokole iti daru injiru.

⁶ Ch'ubbichi waan jed'u, koota waan dansa lafa tanatini gammanne akuma gaafa kaima ka woma iyaale kaani lafa tana keesa teenna!

⁷Koota daad'i gati guddooni bitani d'unne, d'ad'a urgaa ibsanna. Ammalle daraara ganna baule agare gammanna!

⁸Koota ato daraarani kalala inqanch'orranne guure matati hid'anna.

⁹Koota wolti baane aka gammanne machoomnu biyya garsiimna, wonti sunini waan jireenna keenna keesa nuu male.

¹⁰Nu hiyyeesa ato inni nama d'uga qajeelale taatele dabsine nad'eeni hiyyeeyifi jaarole hobaatele saalfachu dinna.

¹¹Nu irre teenna d'ugaa hereganna, nami irre inqamne dandae womatu imbau.

¹²Nami d'uga qajeelani d'iba male woma nuu inqabu tanaafi koota gaanne worra balleesina. Worri waan nu tolchinu ch'ufa dide Seera Musatifi aada ababoota teenna balleesitani nuni jed'ani, nu himatani.

¹³Worri nu Waaqa beenna jed'e, ilmaani Aabbo Waaqa jed'e ufi yaama.

¹⁴Worra akana kana ila teennaleeni argu infeenu; wonti worri taufi ta nu taanu diqole wolti induudu.

¹⁵Worri aka nama d'ibii injiru, finni worraa ka biyyatini wolti induudu.

¹⁶Worri waan nu taane ch'ufa tuffate, waan hamtuti herege, waan keenna ch'ufa lagata. Abbaani keenna Waaqa jed'ani, kiyyibaani ammalle nama d'ugaa qajeela ch'allati dua dansa dua jed'ani ufi d'aadani.

¹⁷Koota me ilaala aka dubbini tunini d'ugaa! Ammalle aka worri gaafa duu tau inagarra!

¹⁸Yo worri d'uga qajeelani d'uguma ijoolle Waaqa taate, Waaqi nyaapa worraa duraa baasa.

¹⁹Tanaafi koota worra ilaallanna, worra arabsine aka hama gaargalchine, akanani aka worri ch'allise tae, woi obsu hubanna!

²⁰Worri Waaqati nu qorqorata jed'a, ammo nu worra aka hama ch'eersine ijeemna.

²¹Wonti worri ch'ubbichi heregu suni, ammo wonti sunini d'uganiti ch'ubbu worraati ila worra duuche.

²²Worri herega Waaqaa ka d'ossaani imbeekhu, ammalle galata worri d'ugaa qulqullooni argatu ind'aabatu.

²³ Waaqi gaafa nu uume duafi nu inuume ammo akheekha ufi gula nu uume.

²⁴D'iibi Sheet'anatifi dooti lafa seente, ammalle nami duuleeni goluma isaati.